قازاقستاندا كٷنٸنە 90-100 مىڭ ادام ۆاكتسينا الىپ جاتىر. بۇل تۋرالى قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«ەرينە, بٸز ۆاكتسيناتسييا بارىنشا تەزٸرەك بٸتكەنٸن قالايمىز. بۇل رەتتە جٷرگٸزٸپ جاتقان جۇمىستارىمىزدى كٷشەيتە تٷسۋ قاجەت دەپ ەسەپتەيمٸن. ٶڭٸرلەرمەن نە ٸستەپ جاتىرمىز? اپتا سايىن كوروناۆيرۋسپەن كٷرەس جٶنٸندەگٸ ۆەدومستۆوارالىق كوميسسييا ٶتەدٸ. وندا بٸز ٶڭٸرلەرگە اقپاراتتىق-تٷسٸندٸرۋ جۇمىسىن كٷشەيتۋ قاجەتتٸگٸن ايتامىز. ٶيتكەنٸ, ۆاكتسينا ەرٸكتٸ تٷردە سالىنادى», - دەدٸ مينيستر ورتالىق كوممۋنيكاتسييالار قىزمەتٸندەگٸ بريفينگ بارىسىندا.
سونىمەن قاتار ول سوڭعى كٷندەرٸ ەلٸمٸزدە ۆاكتسينالاۋ قارقىنى ارتا تٷسكەندٸگٸن باسا ايتتى.
«ايتالىق, كەشە شامامەن 90 مىڭ دوزا ەكپە سالىندى. جالپى, سوڭعى كٷندەرٸ 90-100 مىڭ ۆاكتسينا سالىنىپ جاتىر. ياعني, بٸز بۇل جۇمىستى كٷشەيتە تٷسەتٸن بولامىز. قالاي بولعاندا دا كٷزدە 10 ملن ۆاكتسينا سالىنادى دەپ جوسپارلاپ وتىرمىز. ەرينە, ۆاكتسينا سالدىرماعان, اۋرىپ تۇرعاننان كەيٸن 6 ايدان استام ۋاقىت ٶتكەن ازاماتتار كەلٸپ ۆاكتسينا الاتىندىعىنا, قولداۋ كٶرسەتەتٸندٸگٸنە ٷمٸتتەنەمٸز. ٶيتكەنٸ, ٶكٸنٸشكە وراي ادامدار ەكٸنشٸ رەت قايتا اۋىرىپ قالىپ جاتىر. بٸزگە قازاقستاندا كوروناۆيرۋس ينفەكتسيياسىنىڭ تولقىندى تارالۋى بولماۋى ٷشٸن قورعانۋ قاجەت», - دەدٸ الەكسەي تسوي.
