«Qazaqstan» تەلەارناسى 19 سەۋٸردەن باستاپ تٷركييادا تٷسٸرٸلگەن قوجا احمەت ياساۋي تۋرالى تەلەحيكايانى كٶرەرمەن نازارىنا ۇسىنادى, دەپ حابارلايدى "ۇلت اقپارات".
تٷركييا تاراپى تٷسٸرگەن بۇل تەلەحيكايا «ماۆەرا» دەپ اتالادى. ماۆەرا – (اراب تٸلٸندە «كٶرٸنەتٸن ەلەمنٸڭ كٶرٸنبەيتٸن ارعى جاعى» دەگەن ماعىنانى بٸلدٸرەدٸ) كٶنە وسمانلى تٸلٸندە قولدانىلعان سٶز. قازاقشا «تىلسىم ەلەم», «قارسى جاق», «باسقا دٷنيە» دەپ اۋدارۋعا بولادى. رەجيسسەر يٷدجەل حٷداۆەردٸنٸڭ بۇل فيلمٸ تارتىمدى ەرٸ قىزىقتى وقيعالارعا تولى.
ياساۋي تۋرالى تەلەحيكايانى تٷرٸكتەر جاڭا فورماتتا تٷسٸرگەن. وندا قوجا احمەت ٶمٸرٸنٸڭ كٶپشٸلٸك بٸلە بەرمەيتٸن قىرلارى, جالپاق جۇرتقا بەيمەلٸم كەزەڭٸ كٶبٸرەك سۋرەتتەلەدٸ. سوندىقتان دا بۇل تەلەحيكايا قازاقستان كٶرەرمەندەرٸ ٷشٸن دە قىزىقتى بولارى حاق. تەلەحيكايادا ياساۋيدٸڭ ارىستانباپتان العان قۇرما دەنەگٸنٸڭ قۇرما اعاشىنا اينالۋ وقيعاسى, دەرۋٸشتەر حيكاياسى, تاريحتاعى العاشقى الىپ-ەرەندەر وقيعاسى تارتىستى بەرٸلەدٸ.
ەستەرٸڭٸزگە سالا كەتسەك, قر اقپارات جەنە قوعامدىق دامۋ مينيسترٸ ايدا بالاەۆانىڭ تاياۋداعى تٷركيياعا جۇمىس ساپارى بارىسىندا قوجا احمەت ياساۋي ٶمٸرٸ تۋرالى تەلەسەريال پرەمەراسىن قازاقستان مەن تٷركييادا بٸر مەزگٸلدە كٶرسەتۋ تۋرالى ۋاعدالاستىققا قول جەتكٸزٸلگەن بولاتىن. سونىمەن قاتار ەكٸ ەل اراسىندا تٷركٸ جۇرتىنا ورتاق تاريحي تۇلعا – قورقىت اتا تۋرالى بٸرلەسكەن سەريال تٷسٸرۋگە ۋاعدالاستىق جاسالعان ەدٸ.
