© Sputnik / مۋراد ورۋدجەۆ
ٸشكٸ ٸستەر مينيسترٸ ەرجان سەدەنوۆ قوس ازاماتتىق ٷشٸن قىلمىستىق جازانى ەنگٸزۋگە قاتىستى ٶز ويىن ايتتى.
مەجٸلٸستٸڭ بٷگٸنگٸ وتىرىسىندا قوس ازاماتتىق مەسەلەسٸ كٶتەرٸلدٸ. دەپۋتات بولاتبەك نەجٸمەدەنۇلىنىڭ ايتۋىنشا, قازاقستاندا قوس ازاماتتىقتى جاسىرىپ جٷرگەندەر از ەمەس. بارلىعى ەكٸ ەلدٸڭ جەڭٸلدٸكتەرٸن پايدالانىپ جٷرەدٸ. ال ۇستالعاندارعا كٶبٸنەسە ايىپپۇل عانا سالىنادى. بٸراق ولار شەتەلگە قاشىپ, ەكٸمشٸلٸك جاۋاپكەرشٸلٸكتەن جالتارىپ كەتەدٸ.
"ونداي ادامدار قازاقستان ازاماتى رەتٸندە ٶز قۇقىقتارىن بٸلەدٸ, بٸراق مٸندەتتەرٸن ورىندامايدى. ول - ازامات ەمەس, شامادانى دايىن تۇرعان ۋاقىتشا رەزيدەنت. سوندىقتان قوس ازاماتتىق ٷشٸن جاۋاپكەرشٸلٸكتٸ قىلمىستىق جازاعا دەيٸن قاتاڭداتۋ كەرەك. ال ٸشكٸ ٸستەر مينيسترلٸگٸ بۇل باستامانى قولداۋعا دايىن با?", - دەدٸ نەجٸمەدەنۇلى.
مينيستر ەرجان سەدەنوۆ "بٸرلەسٸپ جۇمىس ٸستەۋگە دايىن" ەكەنٸن مەلٸمدەدٸ.
"جالپى, دۇرىس ايتاسىز, ولاردىڭ ٸشٸندە كريمينال دا, باسقاسى دا بولۋى مٷمكٸن. سوندىقتان بٸز تالقىلاۋعا دايىنبىز. ٶزدەرٸڭٸز بٸلەسٸزدەر, ەرقاشان سٸزدەردٸڭ ۇسىنىستارىڭىزدى قاراپ وتىرامىز. بۇل ۇلتتىق قاۋٸپسٸزدٸك پەن تىنىشتىق مەسەلەسٸمەن دە تىعىز بايلانىستى. سول سەبەپتٸ, ەرينە, تالقىلاۋعا دايىنبىز", - دەدٸ مينيستر.
