3 مامىردا قازاقستاندا 2076 ادامنىڭ كوروناۆيرۋس تەستٸ وڭ شىقتى. بۇل تۋرالى 4 مامىردا تاڭەرتەڭ دەنساۋلىق ساقتاۋ مينيسترلٸگٸ حابارلادى. ۆەدومستۆو كوروناۆيرۋس پنەۆمونيياسى مەن ادام ٶلٸمٸ بويىنشا ەكٸ كٷن بۇرىنعى دەرەكتٸ جارييالاپ كەلەدٸ. 2 مامىردا 10 ادامنان كوروناۆيرۋس پنەۆمونيياسى انىقتالعان. 32 ادام ٶلٸمٸ تٸركەلگەن: 29 ادام – كوروناۆيرۋستان, 3 ادام كوروناۆيرۋس پنەۆمونيياسىنان قايتىس بولدى دەپ ايتىلادى.
دٷيسەنبٸ كٷنٸ الماتىدا 658 ناۋقاس تٸركەلگەن. بۇل - رەسپۋبليكا بويىنشا بٸر كٷن ٸشٸندە تٸركەلگەن ەڭ جوعارى كٶرسەتكٸش. نۇر-سۇلتاندا – 250, شىعىس قازاقستان وبلىسىندا – 77, قاراعاندى وبلىسىندا – 240, اتىراۋ وبلىسىندا – 44, الماتى وبلىسىندا – 180, باتىس قازاقستان وبلىسىندا – 73, اقمولا وبلىسىندا – 137, قوستاناي وبلىسىندا - 26, سولتٷستٸك قازاقستان وبلىسىندا – 6, شىمكەنت قالاسىندا – 65, اقتٶبە وبلىسىندا – 27, جامبىل وبلىسىندا – 58, ماڭعىستاۋ وبلىسىندا – 3, قىزىلوردا وبلىسىندا – 73, تٷركٸستان وبلىسىندا 34 ناۋقاس تٸركەلگەن.
رەسمي دەرەك بويىنشا, بىلتىر ناۋرىزدان بەرٸ قازاقستاندا 330 071 ادامنان كوروناۆيرۋس تابىلىپ, 3762 ادام قايتىس بولعان. بٸراق بۇل ستاتيستيكاعا "كوروناۆيرۋستان ەمەس, باسقا اۋرۋدان قايتىس بولدى" دەلٸنگەن مىڭنان استام ادام ٶلٸمٸ ەنگٸزٸلمەگەن.
مينيسترلٸك كوروناۆيرۋس تەستٸ تەرٸس, بٸراق بەلگٸلەرٸ Covid دەرتٸنە ۇقساس "پنەۆمونييا" ستاتيستيكاسىن 2020 جىلدىڭ 1 تامىزىنان بەرٸ جٷرگٸزٸپ كەلەدٸ. وسى ۋاقىتتان بەرٸ ەلدە 53 093 ادام "كوروناۆيرۋس پنەۆمونيياسىنا" شالدىعىپ, 812 ادام قايتىس بولعان.
قازاقستان بيلٸگٸ كوروناۆيرۋس پەن كوروناۆيرۋس پنەۆمونيياسى دەرەگٸن بٶلەك جارييالاپ جٷرگەنمەن حالىقارالىق ۇيىمدار ەكەۋٸن بٸرٸكتٸرٸپ ەسەپتەيدٸ.
4 مامىرداعى دەرەك بويىنشا, قازٸر 45012 ادام كوروناۆيرۋستان ەمدەلٸپ جاتىر. 44 مىڭنان استامىنىڭ كوروناۆيرۋس تەستٸ وڭ شىققان. 770 ادامنىڭ حالٸ اۋىر, 192 ناۋقاستىڭ جاعدايى تىم مٷشكٸل. 130 ادام جاساندى تىنىس الۋ اپپاراتىنا قوسىلعان.
قازٸرگە دەيٸن 1 ملن 422 مىڭ ادام ەكپەنٸڭ بٸر دوزاسىن بولسا دا العان. 347,5 مىڭ ادام ۆاكتسينانىڭ ەكٸ دوزاسىن العان. قازٸر حالىققا رەسەيلٸك "سپۋتنيك V", QazVac جەنە باە ەلٸندە جاسالعان قىتايدىڭ Sinopharm كومپانيياسىنىڭ ەكپەسٸ سالىنىپ جاتىر.
