3 mamyrda Qazaqstanda 2076 adamnyń koronavirýs testi oń shyqty. Bul týraly 4 mamyrda tańerteń densaýlyq saqtaý ministrligi habarlady. Vedomstvo koronavirýs pnevmoniiasy men adam ólimi boiynsha eki kún burynǵy derekti jariialap keledi. 2 mamyrda 10 adamnan koronavirýs pnevmoniiasy anyqtalǵan. 32 adam ólimi tirkelgen: 29 adam – koronavirýstan, 3 adam koronavirýs pnevmoniiasynan qaitys boldy dep aitylady.
Dúisenbi kúni Almatyda 658 naýqas tirkelgen. Bul - respýblika boiynsha bir kún ishinde tirkelgen eń joǵary kórsetkish. Nur-Sultanda – 250, Shyǵys Qazaqstan oblysynda – 77, Qaraǵandy oblysynda – 240, Atyraý oblysynda – 44, Almaty oblysynda – 180, Batys Qazaqstan oblysynda – 73, Aqmola oblysynda – 137, Qostanai oblysynda - 26, Soltústik Qazaqstan oblysynda – 6, Shymkent qalasynda – 65, Aqtóbe oblysynda – 27, Jambyl oblysynda – 58, Mańǵystaý oblysynda – 3, Qyzylorda oblysynda – 73, Túrkistan oblysynda 34 naýqas tirkelgen.
Resmi derek boiynsha, byltyr naýryzdan beri Qazaqstanda 330 071 adamnan koronavirýs tabylyp, 3762 adam qaitys bolǵan. Biraq bul statistikaǵa "koronavirýstan emes, basqa aýrýdan qaitys boldy" delingen myńnan astam adam ólimi engizilmegen.
Ministrlik koronavirýs testi teris, biraq belgileri Covid dertine uqsas "pnevmoniia" statistikasyn 2020 jyldyń 1 tamyzynan beri júrgizip keledi. Osy ýaqyttan beri elde 53 093 adam "koronavirýs pnevmoniiasyna" shaldyǵyp, 812 adam qaitys bolǵan.
Qazaqstan biligi koronavirýs pen koronavirýs pnevmoniiasy deregin bólek jariialap júrgenmen halyqaralyq uiymdar ekeýin biriktirip esepteidi.
4 mamyrdaǵy derek boiynsha, qazir 45012 adam koronavirýstan emdelip jatyr. 44 myńnan astamynyń koronavirýs testi oń shyqqan. 770 adamnyń hali aýyr, 192 naýqastyń jaǵdaiy tym múshkil. 130 adam jasandy tynys alý apparatyna qosylǵan.
Qazirge deiin 1 mln 422 myń adam ekpeniń bir dozasyn bolsa da alǵan. 347,5 myń adam vaktsinanyń eki dozasyn alǵan. Qazir halyqqa reseilik "Spýtnik V", QazVac jáne BAÁ elinde jasalǵan Qytaidyń Sinopharm kompaniiasynyń ekpesi salynyp jatyr.
