11 قاراشادا قازاقستاندا 587 ادامعا كوروناۆيرۋس جۇققانى تەستپەن راستالدى. بٸر كٷندە 245 ادام جازىلدى. دەنساۋلىق ساقتاۋ مينيسترلٸگٸنٸڭ 12 قاراشا تاڭەرتەڭ تاراتقان حابارلاماسىندا وسىنداي اقپارات جازىلعان.
سەرسەنبٸ كٷنٸ شىعىس قازاقستان وبلىسىندا - 231, قوستاناي وبلىسىندا - 57, پاۆلودار وبلىسىندا - 49, نۇر-سۇلتاندا - 47, اقمولا وبلىسىندا - 35, سولتٷستٸك قازاقستان وبلىسىندا - 35, الماتى قالاسىندا - 30, باتىس قازاقستان وبلىسىندا - 28, الماتى وبلىسىندا - 16, قاراعاندى وبلىسىندا - 16, اتىراۋ وبلىسىندا - 12, اقتٶبە وبلىسىندا - 8, شىمكەنت قالاسىندا - 8, جامبىل وبلىسىندا - 6, قىزىلوردا وبلىسىندا - 2, تٷركٸستان وبلىسىندا - 2, ماڭعىستاۋ وبلىسىندا 1 ادامنان كوروناۆيرۋس ينفەكتسيياسى انىقتالعان. ٶتكەن تەۋلٸكتە بارلىق قالا مەن وبلىستا ناۋقاس تٸركەلگەن.
ناۋرىز ايىنان بەرٸ 118 491 ادامعا كوروناۆيرۋس جۇققانى پتر-تەستپەن راستالعان, سودان بەرٸ 1911 ادام كوروناۆيرۋستان قايتىس بولعان. 108 مىڭ ادام جازىلعان.
1 تامىزدان بەرٸ 39 357 ادام كوروناۆيرۋس پنەۆمونيياسىنا شالدىققان, 29 286 ادام جازىلعان, 410 ادام قايتىس بولعان.
ەكەۋٸن قوسا ەسەپتەگەندە ناۋقاستار 157 848 ادامعا جەتەدٸ.
قازٸر 7 مىڭنان استام ادام كوروناۆيرۋستان ەمدەلٸپ جاتىر.
