قازاقستاندا كوروناۆيرۋس جۇقتىرعاندار مەن قايتىس بولعاندار ەسەبٸن جٷرگٸزۋ جۇمىسى قاتاڭداتىلادى. بۇدان بٶلەك كۆي+ پەن كۆي- ستاتيستيكاسى بٸرٸكتٸرٸلۋٸ مٷمكٸن. بۇل تۋرالى دەنساۋلىق ساقتاۋ ۆيتسە-مينيسترٸ اجار عينييات مەلٸمدەدٸ, دەپ حابارلايدى Sputnik قازاقستان.
پرەزيدەنت ٷكٸمەتتٸڭ كەڭەيتٸلگەن وتىرىسىندا ٶڭٸرلەر ناۋقاستار سانىن جاسىراتىنىن مەلٸمدەپ, كوروناۆيرۋس ستاتيستيكاسىن ناقتىلاۋدى تاپسىرعان بولاتىن.
عينيياتتىڭ ايتۋىنشا, قازٸر دەنساۋلىق مينيسترلٸگٸ ۇلتتىق ستاتيستيكا بيۋروسىمەن بٸرلەسٸپ جۇمىس ٸستەپ جاتىر.
"اۋىرعاندار مەن ٶلٸم-جٸتٸم ەسەبٸن جٷرگٸزۋدٸ جەنە تٸركەۋدٸ قاتاڭداتۋ ٷشٸن بەلگٸلٸ بٸر جوسپار قابىلدانىپ, قۇجاتتار قارالىپ جاتىر. بارلىق مەديتسينالىق ۇيىم جىلدىق ەسەپتەرٸن دايىنداپ, تاپسىرىپ جاتىر. بٸز كۆي+ جەنە كۆي- ەر فاكتٸسٸن بٷكٸل بازادان تەكسەرٸپ, ەر پاتسيەنتتٸ جسن-ى بويىنشا باقىلايمىز. قازٸر بۇل باعىتتا ٷلكەن جۇمىس جٷرٸپ جاتىر. ايدىڭ سوڭىندا كوروناۆيرۋس بويىنشا مەلٸمەتتەر جاڭارتىلادى", - دەدٸ ۆيتسە-مينيستر ونلاين بريفينگتە.
ول جاز كەزٸندە ناۋقاستار كٶبەيٸپ, دەرٸگەرلەر دەرەكتەردٸ بازاعا دەر كەزٸندە ەنگٸزٸپ ٷلگەرمەگەنٸن ايتتى. مەلٸمەتتەر جٷيەگە كەشٸرەك ەنگەن. سونىڭ سالدارىنان ستاتيستيكا دۇرىس جٷرگٸزٸلمەدٸ.
باق ٶكٸلٸ كوروناۆيرۋستىڭ راستالعان (+) جەنە راستالماعان (-) جاعدايلارى بٸرٸكتٸرٸلە مە دەگەن سۇراققا:
"بٸز بٸرٸكتٸرۋٸمٸز مٷمكٸن. قازٸر كوروناۆيرۋستىڭ ەر فاكتٸسٸن, + جەنە -, جەكە-جەكە ەسەپتەيمٸز. كۆي+ بويىنشا ەشقانداي مەسەلە جوق. ال كۆي- بويىنشا ٶزگەرٸستەر بولادى دەپ ويلايمىن", - دەدٸ عينييات.
