قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا 2020 جىلعى قاڭتار-تامىزداعى قر ەلەۋمەتتٸك-ەكونوميكالىق دامۋ قورىتىندىسى جەنە رەسپۋبليكالىق بيۋدجەتتٸڭ اتقارىلۋى قارالدى. بيىل 8 ايداعى ەلٸمٸزدٸڭ ٶنەركەسٸپ سالاسىنداعى جۇمىس نەتيجەلەرٸ تۋرالى يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ باياندادى.
مينيستر حابارلاعانداي, ا.ج. 8 ايدىڭ قورىتىندىسى بويىنشا ٶنەركەسٸپ ٶندٸرٸسٸنٸڭ كٶلەمٸ 0,4% ٶستٸ.
تاۋ-كەن ٶندٸرۋ سەكتورىندا تٷستٸ كەندەردٸ ٶندٸرۋ قۇرامىندا التىن بار كەندٸ ٶندٸرۋدٸ ارتۋى ەسەبٸنەن 1,4% ٶستٸ. تەمٸر كەن ٶندٸرۋ كٶلەمٸ 0,9% ٶستٸ. كٶمٸر ٶنٸمدەرٸن تۇتىنۋ كٶلەمٸنٸڭ ارتۋىنا بايلانىستى ٶسٸم 1,2% قۇرادى.
«ٶڭدەۋ ٶنەركەسٸبٸندە ناقتى كٶلەم يندەكسٸ تٷستٸ مەتاللۋرگييا, فارماتسەۆتيكا, جەڭٸل ٶنەركەسٸپ, ماشينا جاساۋ, حيمييا جەنە باسقا دا سالالار ەسەبٸنەن 3,3% ٶستٸ. تٷستٸ مەتاللۋرگييادا ٶندٸرٸس كٶلەمٸ تازارتىلعان التىن ٶندٸرۋ كٶلەمٸن 3%, باستاپقى اليۋمينييدٸ 1%, قۇيما التىن 30%, تٷيٸرشٸكتەردەگٸ كٷمٸس 28% جەنە باسقا دا كٶرسەتكٸشتەردٸڭ ٶسۋٸنە بايلانىستى ناقتى كٶلەم يندەكسٸ 2,7% ارتتى», — دەدٸ ب. اتامقۇلوۆ.
قارا مەتاللۋرگييادا ناقتى كٶلەم يندەكسٸ 97,8% قۇرادى. بۇل كٶرسەتكٸش بولاتتىڭ, رەلستەردٸڭ, بولات قۇبىرلاردىڭ, شويىن ٶندٸرٸسٸ كٶلەمٸنٸڭ تٶمەندەۋٸنە بايلانىستى بولدى.
حيمييا ٶنەركەسٸبٸندە ٶندٸرٸس كٶلەمٸ 3,1% ٶستٸ. بۇل دەزينفەكتسييالىق قۇرالدار جەنە مينەرالدى تىڭايتقىشتاردىڭ ٶندٸرۋ كٶلەمٸنٸڭ ۇلعايۋىنا بايلانىستى.
«ماشينا جاساۋ سالاسى جاقسى نەتيجە كٶرسەتٸپ, ٶندٸرٸس كٶلەمٸ 16,3% ٶستٸ. اۆتوكٶلٸك قۇرالدارى, ترەيلەرلەر جەنە جارتىلاي تٸركەمەلەر 51,8%, ماشينالار مەن جابدىقتاردى جٶندەۋ جەنە ورناتۋ 2,8%, ٶزگە كٶلٸك قۇرالدارىن جاساۋ 101,4%, ەلەكتر جابدىقتاردى جاساۋ 0,2% ٶستٸ», — دەدٸ مينيستر.
فارماتسەۆتيكا ٶنەركەسٸبٸندە ٶندٸرٸس كٶلەمٸ 34,1% ارتتى. «سق-فارماتسييا» ديستريبيۋتورى ارقىلى تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸ شەڭبەرٸندە دەرٸلٸك زاتتار مەن مەديتسينالىق بۇيىمداردى جەتكٸزۋ كٶلەمٸ ۇلعايتىلدى.
جەڭٸل ٶنەركەسٸپتە ٶندٸرٸس 11% ٶستٸ. ول توقىما بۇيىمدارى ٶندٸرٸسٸنٸڭ 7,2% جەنە بىلعارى ٶنٸمدەردٸڭ 66,2% ۇلعايۋىنا بايلانىستى بولدى.
كٶلٸك سالاسىندا ناقتى كٶلەم يندەكسٸ 2020 جىلدىڭ قاڭتار-تامىز ايلارىندا 83,9% قۇرادى. كونتەينەرلەردٸڭ ترانزيتتٸك تاسىمالدارىنىڭ كٶلەمٸ ٶتكەن جىلدىڭ سەيكەس كەزەڭٸمەن سالىستىرعاندا 37% ارتىپ, 564 مىڭ جيىرما فۋنتتىق بالامانى قۇرادى.
ۆەدومستۆو باسشىسى حابارلاعانداي, كٶلٸكتٸڭ بارلىق تٷرلەرٸمەن جٷك تاسىمالداۋ كٶلەمٸ 2,5 ملرد توننانى قۇراپ, 7,5% تٶمەندەدٸ.
«قۇرىلىس سالاسىندا ناقتى كٶلەم يندەكسٸ 2020 جىلدىڭ قاڭتار-تامىز ايلارىندا 106,5% قۇرادى. ٶسٸم قۇرىلىس كٶلەمٸن ارتتىرۋ ەسەبٸنەن قامتاماسىز ەتٸلەدٸ. 16 ٶڭٸردە وڭ ديناميكا بايقالادى», — دەدٸ مينيستر.
تۇرعىن ٷي قۇرىلىسىندا بيىل 8 ايدىڭ قورىتىندىسىندا 8 ملن 100 مىڭ شارشى مەتر تۇرعىن ٷي پايدالانۋعا بەرٸلدٸ, بۇل ٶتكەن جىلدىڭ سەيكەس كەزەڭٸمەن سالىستىرعاندا 106,4%.
بٷگٸنگٸ تاڭدا رەسپۋبليكا بويىنشا بارلىعى 71 457 باسپانا پايدالانۋعا بەرٸلدٸ. ٶتكەن جىلمەن سالىستىرعاندا, تۇرعىن ٷيدٸ پايدالانۋعا بەرۋ كٶلەمٸنٸڭ ارتۋى 14 ٶڭٸردە بايقالادى.
