ۇلتتىق بانكتٸڭ قولما-قول اقشا اينالىسى دەپارتامەنتٸنٸڭ ديرەكتورى جومارت قاجىمۇراتوۆ ۇلتتىق ۆاليۋتانىڭ بانكنوتتارى مەن مونەتالارىن ساتۋ جەنە ساتىپ الۋ قاعيدالارىنا قانداي ٶزگەرٸستەر ەنگٸزٸلگەنٸن ايتىپ بەردٸ, دەپ حابارلايدى قازاقپارات.
قازاقستان ۇلتتىق بانكٸ ۇلتتىق ۆاليۋتا مونەتالارىن ٷش تٷردە شىعارادى: تسيركۋلياتسييالىق, ينۆەستيتسييالىق جەنە كوللەكتسييالىق.
جومارت قاجىمۇراتوۆتىڭ ايتۋىنشا, بانكنوتتار مەن مونەتالاردى ساتۋ جەنە ساتىپ الۋ قاعيدالارىنداعى ٶزگەرٸستەر تەك قىمبات مەتالدان جاسالعان كوللەكتسييالىق مونەتالارعا قاتىستى.
ايتا كەتسەك, كوللەكتسييالىق مونەتالار باعالى مەتالدار (التىن جەنە كٷمٸس) مەن باعالى ەمەس مەتالداردان (مەلحيور جەنە نەيزيلبەر) شەكتەۋلٸ تارالىممەن دايىندالادى. ولار كوللەكتسييا جاساۋعا جەنە نۋميزماتيكالىق (ەكٸنشٸ) نارىقتى دامىتۋعا باعىتتالادى, سەبەبٸ كوللەكتسييالىق مونەتالارعا دەگەن سۇرانىس – ونىڭ تارالىمىنا, تاقىرىبىنا, ديزاينىنا, دايىنداۋ ساپاسى مەن قولدانىلاتىن تەحنولوگييالارى سەكٸلدٸ فاكتورلارعا بايلانىستى ارتادى.
«ەميتەنتتەر (مەملەكەتتەردٸڭ ورتالىق نەمەسە ۇلتتىق بانكتەرٸ) ٷشٸن كوللەكتسييالىق مونەتالاردى شىعارۋ كوممەرتسييالىق جوبا بولىپ سانالمايدى. ۇلتتىق بانك كوللەكتسييالىق مونەتالاردى اينالىمعا شىعارا وتىرىپ, ەلدٸڭ مەدەني, تاريحي مۇراسىن ساقتايدى جەنە ناسيحاتتايدى, جەتٸستٸككە تولى ەلەۋلٸ وقيعالاردى ەستە ساقتاپ قالۋعا ٷلەس قوسادى, دەمەك, تانىمدى دامىتۋ ميسسيياسىن ورىندايدى دەگەن سٶز», - دەيدٸ جومارت قاجىمۇراتوۆ
نارىقتى ودان ەرٸ دامىتۋ ٷشٸن ۇلتتىق بانك باعالى مەتالداردان جاسالعان كوللەكتسييالىق مونەتالاردى ساتۋ جەنە ساتىپ الۋ باعالارىن بەلگٸلەۋگە قاتىستى ٶزگەرٸستەر ەنگٸزگەن.
«ازاماتتار كوللەكتسييالىق مونەتالاردى, ەدەتتەگٸدەي, ۇلتتىق بانككە اقشاسىنا كەرٸ تاپسىرا الادى. بٸراق ولار باستاپقى ۋاقىتتا ساتىلعان باعامەن قابىلدانادى, وعان مونەتانى دايىنداۋ قۇنى مەن مەتالدى ساتىپ الۋ كٷنٸ ايقىندالاتىن مەتالل قۇنى كٸرەدٸ. ەلەمنٸڭ كٶپتەگەن ەلٸندە, مىسالى, گەرمانييادا, شۆەيتسارييادا جەنە يرلاندييادا كوللەكتسييالىق مونەتالار نومينالدى (بەلگٸلەنگەن) قۇنىمەن كەرٸ ساتىپ الۋعا قابىلدانادى. ال اقش-تا, كانادادا جەنە اۆسترالييادا كوللەكتسييالىق مونەتالار كەرٸ ساتىپ الۋعا قابىلدانبايدى», – دەيدٸ ۇلتتىق بانك ٶكٸلٸ.
