ەلٸمٸزدە كوللەكتورلاردى قىلمىستىق جاۋاپقا تارتۋ مٷمكٸندٸگٸ قاراستىرىلىپ جاتىر. بۇل تۋرالى قر قارجى نارىعىن رەتتەۋ جەنە دامىتۋ اگەنتتٸگٸ تٶراعاسىنىڭ ورىنباسارى ولەگ سموياكوۆ ٷكٸمەت وتىرىسىندا مەلٸم ەتتٸ, دەپ حابارلايدى قازاقپارات.
«قارجىلىق قىزمەت تۇتىنۋشىلارىنىڭ قۇقىعىن قورعاۋدى كٷشەيتۋ ٷشٸن بيىل بٸزدٸڭ اگەنتتٸك زاڭنامالىق تٷزەتۋلەر ەنگٸزۋ باستاماسىن كٶتەردٸ. نەتيجەسٸندە رەتتەۋشٸلٸك سيپاتتاعى شارالار قابىلداندى. اتاپ ايتار بولساق, بيىل مامىردا بانكتٸك, ميكروقارجى جەنە كوللەكتورلىق قىزمەتتٸ رەتتەۋ مەسەلەلەرٸ بويىنشا زاڭ قابىلداندى. جاڭا زاڭدا بانكتەر مەن ميكروقارجى ۇيىمدار الدىنداعى ازاماتتاردىڭ مەرزٸمٸ ٶتكەن بەرەشەگٸن قايتارۋ تەرتٸبٸ قايتا قارالعان. سونداي-اق بانكتەردٸڭ بارلىق يپوتەكالىق قارىزدار بويىنشا سىياقىلارى, تۇراقسىزدىق ايىبى, كوميسسييالار مەن ٶزگە دە تٶلەمدەر تٶلەۋدٸ تالاپ ەتۋٸنە تىيىم سالۋ ەنگٸزٸلگەن», - دەدٸ ولەگ سمولياكوۆ.
سونىمەن قاتار اگەنتتٸك باسشىسىنىڭ ورىنباسارى كوللەكتورلار ٷشٸن قوسىمشا شەكتەۋلەر ەنگٸزٸلگەنٸن ايتىپ ٶتتٸ.
«پرەزيدەنتتٸڭ تاپسىرماسى بويىنشا كوللەكتورلىق ۇيىمداردىڭ زاڭسىز ەرەكەتتەرٸنەن ازاماتتاردىڭ قۇقىقتارىن قورعاۋ ماقساتىندا بٸزدٸڭ اگەنتتٸك كوللەكتورلىق اگەنتتٸك قىزمەتكەرلەرٸنە قاتىستى ەكٸمشٸلٸك جەنە قىلمىستىق جاۋاپكەرشٸلٸكتٸ قاراستىرۋدى ۇسىنىپ وتىر. بٷگٸندە باس پروكۋراتۋرا ۇسىنىس جاسالىپ, كوللەكتورلار قىزمەتٸن رەتتەۋدٸ قاتاڭداتۋ بويىنشا قوسىمشا شارالار پىسىقتالىپ جاتىر», - دەيدٸ ول.
