قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ «قازاقستان مەن اقش ساۋدا-ەكونوميكالىق قاتىناستارىنا 30 جىل» اتتى قازاقستان-امەريكا ينۆەستيتسييالىق فورۋمىنىڭ وتىرىسىنا قاتىستى, دەپ حابارلايدى "ۇلت اقپارات" اتالعان ۆەدومستۆونىڭ باسپاسٶز قىزمەتٸنە سٸلتەمە جاساپ.
ماعزۇم مىرزاعاليەۆ «ەنەرگەتيكا جەنە تاۋ-كەن ٶنەركەسٸبٸ (جاسىل تەحنولوگييالار جەنە سيرەك كەزدەسەتٸن مەتالدار)» پانەلدٸك سەسسيياسىنىڭ جۇمىسىنا قاتىستى. مينيستر ٶز سٶزٸندە «جاسىل» تەحنولوگييالار نارىعىن دامىتۋ ٷشٸن قازاقستان ەكولوگييالىق كودەكس, جاڭارتىلاتىن ەنەرگييا كٶزدەرٸن پايدالانۋدى قولداۋ تۋرالى زاڭ جەنە «جاسىل» ەكونوميكاعا كٶشۋ تۇجىرىمداماسى سيياقتى بٸرقاتار نورماتيۆتٸك قۇجاتتاردى قابىلداعانىن ايتتى.
سونىمەن قاتار اقش پرەزيدەنتٸنٸڭ كليمات جٶنٸندەگٸ ارنايى ٶكٸلٸ دجون كەرريمەن ونلاين كەزدەسۋ بارىسىندا قازاقستان تاراپى قازاقستاندا كليمات مەسەلەلەرٸ بويىنشا ورتالىق ازييانىڭ ٶڭٸرلٸك حابىن قۇرۋ تۋرالى باستاما كٶتەردٸ. ماعزۇم مىرزاعاليەۆ قازاقستاندا جاڭا كەن ورىندارىن (ليتيي وكسيدٸ, قۇرامىندا وسميي توتىعى بار مىس قۇمتاس, سونداي-اق قۇرامىندا تانتال بار كەندەر, ونىڭ ٸشٸندە ٸلەسپە نيوبيي بار) اشۋ پەرسپەكتيۆالارى بار ەكەنٸن اتاپ ٶتٸپ, وسى جوبالاردى ٸسكە اسىرۋ ٷشٸن اقش-پەن ىنتىماقتاستىقتى كەڭەيتۋ مٷمكٸندٸگٸن قۇپتادى.
سونداي-اق ماعزۇم مىرزاعاليەۆ Tesla, Lucid Motors, Nikola سيياقتى امەريكالىق ەلەكتروموبيلدٸك كومپانييالاردىڭ جەتەكشٸ رٶلٸن, GM, Ford سيياقتى ٸرٸ اۆتوٶندٸرۋشٸلەردٸڭ ەلەكتر قوزعالتقىشتارىنا كٶشۋ جٶنٸندەگٸ ۇزاق مەرزٸمدٸ ستراتەگييالارىن ەسكەرە وتىرىپ, قازاقستان تاراپى ليتيي-يوندى اككۋمۋلياتورلار ٶندٸرۋگە ارنالعان زاۋىتتار سالۋ بويىنشا امەريكالىق تاراپپەن ىنتىماقتاسۋعا دايىن ەكەنٸن اتاپ ٶتتٸ.
