قر پرەمەر-مينيسترٸنٸڭ ورىنباسارى رومان سكليار ەلدەگٸ تۇرعىن ٷي مەسەلەسٸن شەشۋدٸڭ جاڭا مەحانيزمٸ تۋرالى ايتىپ بەردٸ, دەپ حابارلايدى قازاقپارات.
«بٷگٸندە تٷرلٸ ساناتتاعى 500 مىڭنان استام ادام ٷي كەزەگٸندە تۇر. ٷكٸمەت تاراپىنان ەلدەگٸ باسپانا مەسەلەسٸن شەشۋ جولىندا جۇمىس بەلسەندٸ جٷرٸپ جاتىر. تٶلەم قابٸلەتٸ تٶمەن تۇرعىندار دا بار. ولار وتباسى بانكٸنٸڭ جەڭٸلدٸكپەن باسپانا الۋ باعدارلاماسىنا قاتىسا الادى. ٶتكەن جىلى باسپانا سالۋدا رەكوردتىق كٶرسەتكٸشكە قول جەتكٸزدٸك. ەلٸمٸز بويىنشا 15 ملن شارشى مەتر تۇرعىن ٷي سالىندى. بۇل دەگەنٸمٸز - 140 مىڭنان استام ٷي. ودان بٶلەك, ساتىپ الۋ قۇقىعىنسىز جالعا بەرٸلەتٸن 9,5 مىڭ تۇرعىن ٷي سالىندى. دەگەنمەن, اتالعان كٶرسەتكٸش ازدىق ەتٸپ وتىر», - دەدٸ رومان سكليار ٷكٸمەت ٷيٸندە ونلاين ٶتكەن باسپاسٶز مەسليحاتىندا.
ٷكٸمەت باسشىسى ورىنباسارىنىڭ مەلٸمدەۋٸنشە, بٷگٸندە ەلٸمٸزدە باسپانالى بولۋدىڭ جاڭا مەحانيزمٸ قارالىپ جاتىر.
«تاعى بٸر جايت - باسپانالى بولۋدا ٷكٸمەت پەن بانك تاراپىنان جاسالعان جەڭٸلدٸكتەرگە قاراماستان تٶلەۋ مٷمكٸندٸگٸ از تۇرعىندار ساناتى بار. مەملەكەت باسشىسى اتالعان ساناتتاعى ازاماتتاردىڭ تۇرعىن ٷي مەسەلەسٸن شەشۋ ٷشٸن باسپانانى ساتىپ الۋ قۇقىعىنسىز جالعا بەرۋدٸڭ جاڭا مەحانيزمٸن ەنگٸزۋدٸ تاپسىردى. وسى ورايدا بٸز قۇرىلىس كومپانييالارىنا ٶز اقشاسىنا ٷي سالىپ, ونى حالىق قالتاسى كٶتەرەتٸن باعامەن ساتىپ الۋ قۇقىعىنسىز جالعا بەرۋدٸ ۇسىنىپ وتىرمىز. ياعني, تۇرعىن ٷيدٸ مەملەكەت ەمەس, جەكە قۇرىلىس كومپانييالارى تۇرعىزادى جەنە وعان جاۋاپتى بولادى. بٸز تەك سۋبسيدييا بەرەمٸز», - دەيدٸ ول.
ونىڭ سٶزٸنشە, تۇرعىن ٷي ساياساتىنا قاتىستى اتالعان جاڭاشىلدىققا يندۋسترييا جەنە ينفراقۇرىلىمدىق دامۋ مينيسترلٸگٸ جاۋاپتى.
