فوتو: Freepik
ۇلتتىق ەكونوميكا مينيسترٸنٸڭ بٸرٸنشٸ ورىنباسارى ازامات امرين قازاقستاندا جاڭا سالىق كودەكسٸنە سەيكەس قاي سالالار قوسىلعان قۇن سالىعىنان بوساتىلاتىنىن ايتتى, دەپ حابارلايدى Ult.kz.
مەجٸلٸستە ٶتٸپ جاتقان دٶڭگەلەك ٷستەلدە ەلدەگٸ سالىق رەفورماسىنا قاتىستى جاڭا ۇسىنىستار تالقىعا تٷستٸ.
"بٸز قوسىلعان قۇن سالىعى بويىنشا ديففەرەنتسييالانعان ستاۆكا ۇسىنىپ وتىرمىز. جالپىلاما بەكٸتٸلگەن 16% – بازالىق ستاۆكا. ەكٸنشٸ نۇسقا – اگروٶنەركەسٸپ كەشەنٸن قوسىلعان قۇن سالىعىنان بوساتۋ. بۇعان قاراماستان بٸز ٶز ەركٸمەن ەسەپكە تۇرۋ قۇقىعىن قالدىرامىز. سەيكەسٸنشە سالىق تٶلەۋشٸ ققس (قوسىلعان قۇن سالىعى) تٶلەۋشٸسٸ بولا الادى, مۇنداي قۇقىق ساقتالادى. سونداي-اق ارالىق 10% مٶلشەرلەمە دە بار. جوباعا سەيكەس بۇل ستاۆكا دەنساۋلىق ساقتاۋ سالاسىنا, ٸت, كرەاتيۆتٸ يندۋسترييا, تۋريزم سالاسىنا ۇسىنىلىپ وتىر", – دەدٸ امرين دٶڭگەلەك ٷستەلدە.
ونىڭ سٶزٸنشە, جۇمىس توبى ايماقتاردى ارالاۋ كەزٸندە بيزنەس جەنە جۇرتشىلىقتان تٷسكەن ۇسىنىستاردى تالقىعا سالعان. ونىڭ ٸشٸندە ازىق-تٷلٸك پەن ٶزگە دە تاۋار كاتەگورييالارىنا قاتىستى ققس تٶمەندەتۋ جايلى ۇسىنىس بولعان.
سونداي-اق سالىق كودەكسٸ جوباسىندا كەلەسٸ ۇسىنىستار بار:
- ققس-تى 12-دەن 16% كٶتەرە وتىرىپ, بۇقارالىق اقپارات قۇرالدارى مەن اگروٶنەركەسٸپ كەشەنٸن ققس-تان بوساتۋ. سونىمەن قاتار فارميندۋسترييا, مەديتسينا قىزمەتتەرٸ مەن ەلەۋمەتتٸك ماڭىزى بار ازىق-تٷلٸك ٷشٸن تٶمەندەتٸلگەن 10% كٶلەمٸندە مٶلشەرلەمە بەلگٸلەۋ;
- ققس تٶلەۋشەلٸلەردٸ تٸركەۋ ٷشٸن ەڭ تٶمەنگٸ شەكتٸ 20 000 اەك-تەن 3 800 اەك-كە (2025 جىلى 14 941 600 تەڭگە) دەيٸن تٶمەندەتۋ.
"قازٸر بۇل سۇراق تالقىلانىپ جاتىر. مەجٸلٸستەگٸ سالالىق توپتىڭ جۇمىسى اياسىندا بٸز بۇل ۇسىنىستاردى ەگجەي-تەگجەيلٸ قاراستىرامىز", – دەپ قوستى ول.
مينيسترلٸك دەرەگٸنە سەيكەس بيۋدجەت تٷسٸمدەرٸن كٶبەيتۋ ارقىلى جىل سايىن ەل قازىناسى قوسىمشا 4-5 تريلليون تەڭگەگە تولىعادى.
