فوتو: قر دسم
2025 جىلى قازاقستاندا قايتىس بولعاننان كەيٸنگٸ دونورلاردان جاسالعان ترانسپلانتاتسييا كٶرسەتكٸشٸ ايتارلىقتاي ٶسٸپ, ٶتكەن جىلمەن سالىستىرعاندا 2,6 ەسە كٶبەيدٸ. بۇل تۋرالى دەنساۋلىق ساقتاۋ مينيسترلٸگٸندەگٸ اپپاراتتىق كەڭەستە رەسپۋبليكالىق ترانسپلانتاتتاۋدى ٷيلەستٸرۋ ورتالىعىنىڭ باسشىسى ايدار سيتقازينوۆ مەلٸمدەدٸ, دەپ حابارلايدى Ult.kz.
ونىڭ ايتۋىنشا, اعىمداعى جىلدىڭ 10 ايىندا قايتىس بولعاننان كەيٸنگٸ اكتۋالدى دونورلار سانى 6-دان 16-عا دەيٸن ەكٸ ەسەگە جۋىق ارتقان. سونىمەن قاتار eGov.kz پورتالىندا ازاماتتاردىڭ اعزا دونورلىعىنا كەلٸسٸم بەرۋ كٶرسەتكٸشٸ 27%-عا ٶسٸپ, كەلٸسٸم ٷلەسٸ 63%-عا جەتكەن.
مينيسترلٸك مەلٸمەتٸنشە, 2024 جىلمەن سالىستىرعاندا:
• قايتىس بولعاننان كەيٸنگٸ دونورلاردان جاسالاتىن وپەراتسييالار سانى – 2 ەسە,
• تٸرٸ دونورلاردان جاسالاتىن ترانسپلانتاتسييا – 2,5%-عا ارتقان.
كٶرسەتكٸشتەردٸڭ جاقسارۋىنا ەلدەگٸ ينفراقۇرىلىمنىڭ كەڭەيۋٸ ەسەر ەتكەن: بىلتىر 7 ورتالىق جۇمىس ٸستەسە, بٷگٸندە ترانسپلانتاتسييا جاسايتىن 11 ورتالىق بار.
قازٸر ەلٸمٸزدە 4521 ادام اعزا اۋىستىرۋدى كٷتۋدە. كٷتۋ تٸزٸمٸندەگٸ ناۋقاستار اراسىنداعى ٶلٸم-جٸتٸم 4,6%-عا تٶمەندەگەن. دونورلىق بەلسەندٸلٸك ەڭ جوعارى ٶڭٸرلەر: الماتى جەنە استانا قالالارى, پاۆلودار, شقو, سقو, الماتى, جامبىل جەنە بقو.
سالادا كادر دايارلاۋى جالعاسۋدا: وتاندىق دەرٸگەرلەردٸڭ شەتەلدٸك بٸلٸم باعدارلامالارى كەڭەيٸپ, يسپانييا, تٷركييا جەنە بەلارۋسپەن ىنتىماقتاستىق نىعايعان.
كەڭەس قورىتىندىسىندا دەنساۋلىق ساقتاۋ مينيسترٸ اقمارال ەلنازاروۆا ٶڭٸرلەردە ترانسپلانتاتسييا باعىتىنداعى مونيتورينگتٸ كٷشەيتۋدٸ, شۇعىل تاسىمالداۋدى قامتاماسىز ەتۋدٸ, تسيفرلىق شەشٸمدەردٸ ەنگٸزۋدٸ جەنە قايتىس بولعاننان كەيٸنگٸ دونورلىقتى ناسيحاتتاۋعا باسىمدىق بەرۋدٸ تاپسىردى.
