قازاقستاندا قاشىقتان وقىتۋ تەرتٸبٸ ٶزگەرەدٸ

قر بٸلٸم جەنە عىلىم مينيسترٸنٸڭ قاشىقتان بٸلٸم بەرۋ ەرەجەسٸنە ٶزگەرٸستەر ەنگٸزۋدٸ كٶزدەيتٸن بۇيرىعى جارييالاندى, دەپ حابارلايدى قازاقپارات تٸلشٸسٸ.

قۇجاتتىڭ تولىق اتاۋى – «قاشىقتان بٸلٸم بەرۋ تەحنولوگييالارى بويىنشا وقۋ پروتسەسٸن ۇيىمداستىرۋ قاعيدالارىن بەكٸتۋ تۋرالى» قازاقستان رەسپۋبليكاسى بٸلٸم جەنە عىلىم مينيسترٸنٸڭ 2015 جىلعى 20 ناۋرىزداعى № 137 بۇيرىعىنا ٶزگەرٸستەر ەنگٸزۋ تۋرالى بۇيرىق.

قۇجات 2021 جىلدىڭ 19 قاراشاسىنان باستاپ قولدانىسقا ەنگٸزٸلەدٸ. 

بۇيرىققا ەنگەن ٶزگەرٸستەر بويىنشا, بۇدان بىلاي بٸلٸم بەرۋ ۇيىمدارى قاشىقتان وقىتۋعا تولىق كٶشكەن كەزدە پروتسەسكە قاتىسۋشىلاردىڭ بەرٸن اقپاراتتىق جٷيەمەن, ساباقتاردىڭ ەلەكتروندىق كەستەسٸمەن, جۋرنال جەنە وقۋ رەسۋرستارىمەن قامتاماسىز ەتۋٸ كەرەك.

ناقتىراق ايتساق, قاشىقتان وقىتۋدى ۇسىنۋ ٷشٸن بٸلٸم بەرۋ ۇيىمدارى مىنا تالاپتارعا ساي بولۋى كەرەك:

1) وقۋ قىزمەتٸن ۇيىمداستىرۋ ٷشٸن ينتەرنەت جەلٸسٸنە قوسىلۋعا مٷمكٸندٸك بەرەتٸن تەلەكوممۋنيكاتسييالىق ارنالاردىڭ بولۋى;

2) اقپاراتتىق رەسۋرستارعا, تسيفرلىق رەسۋرستارعا جەدەل قول جەتكٸزۋ قۇرالدارىنىڭ بولۋى;

3) وقۋ-ەدٸستەمەلٸك, ۇيىمدىق-ەكٸمشٸلٸك اقپاراتتى, بەينەساباقتاردى قامتيتىن اقپاراتتىق جٷيەنٸڭ بولۋى;

4) «ورتا, تەحنيكالىق جەنە كەسٸپتٸك, ورتا بٸلٸمنەن كەيٸنگٸ بٸلٸم بەرۋ ۇيىمدارىنىڭ پەداگوگتەرٸ جٷرگٸزۋ ٷشٸن مٸندەتتٸ قۇجاتتاردىڭ تٸزبەسٸ جەنە ولاردىڭ نىساندارىن بەكٸتۋ تۋرالى» قازاقستان رەسپۋبليكاسى بٸلٸم جەنە عىلىم مينيسترٸنٸڭ 2020 جىلعى 6 سەۋٸردەگٸ № 130 بۇيرىعىنا (نورماتيۆتٸك قۇقىقتىق اكتٸلەردٸ مەملەكەتتٸك تٸركەۋ تٸزٸلٸمٸندە № 20317 بولىپ تٸركەلگەن) سەيكەس ەلەكتروندىق جۋرنالدار مەن كٷندەلٸكتەر جٷيەسٸنە قوسىلۋ;

5) بٸلٸم بەرۋ ۇيىمدارىنىڭ پەداگوگتەرٸندە اقپاراتتىق تەحنولوگييالار بويىنشا كۋرستارىنان ٶتكەندٸگٸ تۋرالى سەرتيفيكاتتاردىڭ بولۋى;

6) وقۋ پروتسەسٸن تسيفرلىق بٸلٸم رەسۋرستارىمەن قامتاماسىز ەتۋ;

7) بٸلٸم بەرۋ ۇيىمدارىندا پايدالانىلاتىن باعدارلامالىق-اپپاراتتىق كەشەنگە جەنە قولدانبالى باعدارلامالىق قامتاماسىز ەتۋگە قويىلاتىن ۇسىنىلعان ەڭ از تالاپتاردىڭ ساقتالۋى.

سونداي-اق, قۇجاتتا جوعارى جەنە جوعارى وقۋ ورنىنان كەيٸنگٸ بٸلٸمنٸڭ بٸلٸم بەرۋ قاشىقتان ۇيىمداستىرىلسا, قانداي تالاپتار ساقتالۋى كەرەكتٸگٸ ناقتى كٶرسەتٸلگەن. ول تالاپتاردى مىنا سٸلتەمەدەن كٶرۋگە بولادى.