QR Bilim jáne ǵylym ministriniń qashyqtan bilim berý erejesine ózgerister engizýdi kózdeitin buiryǵy jariialandy, dep habarlaidy QazAqparat tilshisi.
Qujattyń tolyq ataýy – «Qashyqtan bilim berý tehnologiialary boiynsha oqý protsesin uiymdastyrý qaǵidalaryn bekitý týraly» Qazaqstan Respýblikasy Bilim jáne ǵylym ministriniń 2015 jylǵy 20 naýryzdaǵy № 137 buiryǵyna ózgerister engizý týraly buiryq.
Qujat 2021 jyldyń 19 qarashasynan bastap qoldanysqa engiziledi.
Buiryqqa engen ózgerister boiynsha, budan bylai bilim berý uiymdary qashyqtan oqytýǵa tolyq kóshken kezde protseske qatysýshylardyń bárin aqparattyq júiemen, sabaqtardyń elektrondyq kestesimen, jýrnal jáne oqý resýrstarymen qamtamasyz etýi kerek.
Naqtyraq aitsaq, qashyqtan oqytýdy usyný úshin bilim berý uiymdary myna talaptarǵa sai bolýy kerek:
1) oqý qyzmetin uiymdastyrý úshin internet jelisine qosylýǵa múmkindik beretin telekommýnikatsiialyq arnalardyń bolýy;
2) aqparattyq resýrstarǵa, tsifrlyq resýrstarǵa jedel qol jetkizý quraldarynyń bolýy;
3) oqý-ádistemelik, uiymdyq-ákimshilik aqparatty, beinesabaqtardy qamtityn aqparattyq júieniń bolýy;
4) «Orta, tehnikalyq jáne kásiptik, orta bilimnen keiingi bilim berý uiymdarynyń pedagogteri júrgizý úshin mindetti qujattardyń tizbesi jáne olardyń nysandaryn bekitý týraly» Qazaqstan Respýblikasy Bilim jáne ǵylym ministriniń 2020 jylǵy 6 sáýirdegi № 130 buiryǵyna (normativtik quqyqtyq aktilerdi memlekettik tirkeý tiziliminde № 20317 bolyp tirkelgen) sáikes elektrondyq jýrnaldar men kúndelikter júiesine qosylý;
5) bilim berý uiymdarynyń pedagogterinde aqparattyq tehnologiialar boiynsha kýrstarynan ótkendigi týraly sertifikattardyń bolýy;
6) oqý protsesin tsifrlyq bilim resýrstarymen qamtamasyz etý;
7) bilim berý uiymdarynda paidalanylatyn baǵdarlamalyq-apparattyq keshenge jáne qoldanbaly baǵdarlamalyq qamtamasyz etýge qoiylatyn usynylǵan eń az talaptardyń saqtalýy.
Sondai-aq, qujatta joǵary jáne joǵary oqý ornynan keiingi bilimniń bilim berý qashyqtan uiymdastyrylsa, qandai talaptar saqtalýy kerektigi naqty kórsetilgen. Ol talaptardy myna siltemeden kórýge bolady.
