جىل باسىنان بەرٸ قازاقستاندىقتارعا 2,4 ترلن تەڭگەدەن استام زەينەتاقى تٶلەندٸ, دەپ حابارلايدى قازاقپارات.
«2021 جىلدىڭ قاڭتار-قاراشا ايلارىندا رەسپۋبليكالىق بيۋدجەتتەن بازالىق زەينەتاقى تٶلەۋگە 750,8 ملرد تەڭگە, ىنتىماقتى زەينەتاقى تٶلەمدەرٸنە – 1 ترلن 696,4 ملرد تەڭگە باعىتتالدى. 2021 جىلعى قاراشادا رەسپۋبليكالىق بيۋدجەتتەن زەينەتاقى تٶلەمدەرٸنە 221,2 ملرد تەڭگەدەن استام, ونىڭ ٸشٸندە بازالىق زەينەتاقىنى تٶلەۋگە – 68 ملرد تەڭگە, ىنتىماقتى زەينەتاقىنى تٶلەۋگە – 153,2 ملرد تەڭگە يگەرٸلدٸ», - دەلٸنگەن ەڭبەك جەنە حالىقتى ەلەۋمەتتٸك قورعاۋ مينيسترلٸگٸ مەلٸمەتٸندە.
2021 جىلعى 1 جەلتوقسانداعى جاعداي بويىنشا زەينەتكەرلەر سانى 2 ملن 233 مىڭ ادامدى قۇرادى.
«زەينەتاقى تٶلەمدەرٸنٸڭ ورتاشا مٶلشەرٸ (ونىڭ ٸشٸندە بازالىق زەينەتاقى) 2021 جىلعى 1 جەلتوقسانداعى جاعداي بويىنشا 99 726 تەڭگەنٸ قۇرادى», - دەپ اتالىپ ٶتكەن ۆەدومستۆو اقپاراتىندا.
ەسكە سالايىق, 2018 جىلعى 1 شٸلدەدەن باستاپ مەملەكەتتٸك بازالىق زەينەتاقى تٶلەمٸ, زەينەتاقى جٷيەسٸندەگٸ تەجٸريبەسٸن ەسكەرە وتىرىپ, ەر الۋشىعا جەكە تاعايىندالادى.
بۇل رەتتە 1998 جىلعى 1 قاڭتارداعى جاعداي بويىنشا ىنتىماقتى جٷيەدە جۇمىس ٸستەگەن ۋاقىتى, سونداي-اق مٸندەتتٸ زەينەتاقى جارنالارى تٶلەنگەن كەزەڭدەر (مزج) زەينەتاقى جٷيەسٸندەگٸ ەڭبەك ٶتٸلٸنە قوسىلادى.
سونىمەن, ەگەر زەينەتاقى جٷيەسٸندەگٸ جۇمىس ٶتٸلٸ 10 جىل نەمەسە ودان از بولسا, سونداي-اق ەگەر مٷلدە جوق بولسا, بازالىق زەينەتاقى ەڭ تٶمەنگٸ كٷنكٶرٸس دەڭگەيٸنٸڭ 54%-ىن قۇرايدى, سودان كەيٸن 10 جىلدان اسقان ەر جىل ٷشٸن ونىڭ مٶلشەرٸ 2%-عا ارتادى. مىسالى, ەگەر سٸز 20 جىل قاتىسساڭىز, بازالىق زەينەتاقى كٷنكٶرٸس دەڭگەيٸ قۇنىنىڭ 74%-دى, 30 جىل – كٷنكٶرٸس قۇنىنىڭ 94%-ىن قۇرايدى. 33 جەنە ودان دا كٶپ جىل جۇمىس ٶتٸلٸ بولسا, كٷنكٶرٸس قۇنىنىڭ 100% جوعارى مٶلشەرٸندە بەلگٸلەنەدٸ.
ەگەر بٸر اي ٸشٸندە مزج بٸرىڭعاي جيناقتاۋشى زەينەتاقى قورىنا بٸرنەشە رەت جاسالسا, جيناقتاۋشى جٷيەگە قاتىسۋ مەرزٸمٸ بٸر ايدى قۇرايدى.
وسىلايشا, مٸندەتتٸ زەينەتاقى جارنالارى نەعۇرلىم تۇراقتى جەنە تولىق سالىناتىن بولسا, زەينەتاقى جاسىنا جەتكەندە بازالىق زەينەتاقى تٶلەمدەرٸنٸڭ مٶلشەرٸ سوعۇرلىم كٶپ بولادى.
ٶز كەزەگٸندە, جاسىنا بايلانىستى زەينەتاقى تٶلەمدەرٸنٸڭ مٶلشەرٸ 1998 جىلعى 1 قاڭتارداعى جۇمىس ٶتٸلٸنە (كەم دەگەندە 6 اي قاجەت) جەنە زەينەتكەرلٸككە دەيٸنگٸ كەزەڭدە الىنعان ورتاشا ايلىق تابىسقا بايلانىستى بولادى.
