قازٸرگٸ ۋاقىتتا قازاقستاندا 19 تاۋار بيرجاسى ليتسەنزييالانعان. بۇل تۋرالى مەجٸلٸستٸڭ جالپى وتىرىسىندا بيرجالىق ساۋدانى دامىتۋ جەنە جەتٸلدٸرۋ مەسەلەلەرٸ بويىنشا زاڭ جوباسىن تالقىلاۋ كەزٸندە ساۋدا جەنە ينتەگراتسييا مينيسترٸ باقىت سۇلتانوۆ مەلٸم ەتتٸ, دەپ حابارلايدى قازاقپارات.
«ۇسىنىلىپ وتىرعان زاڭ جوباسىنىڭ نەگٸزگٸ بٶلٸمدەرٸنە توقتالىپ كەتەيٸن. قازٸرگٸ ۋاقىتتا قازاقستاندا 19 تاۋار بيرجاسى ليتسەنزييالانعان. ۇلتتىق ستاتيستيكا بيۋروسىنىڭ دەرەكتەرٸنە سەيكەس بيرجالىق كەلٸسٸمدەردٸڭ سانى 2009 جىلى 1 119-دان 2020 جىلى 48 000 كەلٸسٸمگە دەيٸن, ياعني 50 ەسەگە ٶستٸ. بۇل رەتتە, جەتەكشٸ ٷش تاۋار بيرجاسىنىڭ («استانا», ەتس, «كاسپي» بيرجالارى) بيرجالىق ساۋدا-ساتتىق كٶلەمٸ 2020 جىلى 291,2 ملرد تەڭگەنٸ, ياعني بارلىق ساۋدا-ساتتىق كٶلەمٸنٸڭ 30%-ىن قۇرادى. تۇراقتى بيرجالىق سالانى قالىپتاستىرۋ ماقساتىندا زاڭ جوباسىندا تاۋار بيرجالارىنىڭ ەكٸ دەڭگەيلٸ جٷيەسٸن ەنگٸزۋ ۇسىنىلادى», - دەدٸ باقىت سۇلتانوۆ.
مينيستر بٸرٸنشٸ دەڭگەيگە توقتالا كەلە, ساۋدا-ساتتىقتى بيرجالىق تاۋارلارمەن جٷزەگە اسىراتىن تاۋار بيرجالارى ٷشٸن جارعىلىق كاپيتالدى 700 مىڭ ەسەلەنگەن ايلىق ەسەپتٸك كٶرسەتكٸشكە دەيٸن ۇلعايتۋ كٶزدەلگەنٸن ايتتى.
«ەكٸنشٸ دەڭگەي, ستاندارتتالماعان تاۋارلارمەن عانا ساۋدا-ساتتىقتى جٷزەگە اسىراتىن تاۋار بيرجالارى ٷشٸن تالاپتار بۇرىنعى دەڭگەيدە قالادى. ياعني جارعىلىق كاپيتالدىڭ ەڭ از مٶلشەرٸ 300 مىڭ ەسەلەنگەن ايلىق ەسەپتٸك كٶرسەتكٸشتٸ قۇرايدى. بيرجالاردىڭ تٷرلٸ-تارماقتارىنا بٶلٸنۋٸ بيرجالىق ساۋدانى جەتٸلدٸرۋگە جەنە دامىتۋعا سەرپٸن بەرەدٸ. ياعني تەك ستاندارتتالماعان تاۋارلارمەن ساۋدا-ساتتىقتى جٷزەگە اسىراتىن بيرجالار باسقا قاتىسۋشىلارمەن شوعىرلانىپ, قىزمەتتەر سپەكترٸن كەڭەيتٸپ, ولاردىڭ ساپاسىن جاقسارتۋ جەنە كٶلەمٸن ۇلعايتۋ ارقىلى ٶز پوتەنتسيالىن ارتتىرۋعا تىرىسادى», - دەدٸ ب. سۇلتانوۆ.
