ەلٸمٸزدە 62 مىڭنان استام ستۋدەنت جاتاقحاناعا زەرۋ. ونىڭ 20 مىڭى الماتىدا. بۇل تۋرالى ونلاين بريفينگ بارىسىندا قر بٸلٸم جەنە عىلىم مينيسترلٸگٸ «قارجى ورتالىعى» اق ٸلگەرٸلەتۋ جەنە سىرتقى كوممۋنيكاتسييالار دەپارتامەنتٸنٸڭ ديرەكتورى الپامىس ساتىبالدين مەلٸم ەتتٸ, دەپ حابارلايدى قازاقپارات.
«قازاقستاندا 62 مىڭ ستۋدەنت جاتاقحاناعا مۇقتاج. ونىڭ 20 مىڭى - الماتىلىق ستۋدەنتتەر. ٶيتكەنٸ, جوو-نىڭ 40 پايىزى وسى مەگاپوليستە ورنالاسقان», - دەيدٸ سپيكەر.
سونىمەن قاتار, ول بىلتىر كەسٸپكەرلەر ٶز قاراجاتىنا الماتىدا 1272 ورىنعا سەگٸز جاتاقحانا سالعانىن ايتتى.
«مەگاپوليستە تەك جەكە كەسٸپكەرلەردٸڭ ەسەبٸنەن 8 جاتاقحانا سالىندى. بيىل الماتىدا بٸرنەشە جوبا ٸسكە قوسىلدى. ٸرٸ قۇرىلىس كومپانييالارىمەن كەلٸسسٶز جٷرٸپ جاتىر. ەگەر ۋنيۆەرسيتەت پەن ينۆەستور اراسىنداعى بارلىق كەلٸسسٶز سەتتٸ اياقتالسا, وندا بٸر عانا ۋنيۆەرسيتەتكە 15-كە جۋىق جاڭا نىسان سالۋ جوسپارلانعان. باسقا ۋنيۆەرسيتەتتەر دە قاتىسادى», - دەدٸ ول.
الپامىس ساتىبالدين قازاقستاندا جەر تەلٸمٸ بار, بٸراق قۇرىلىسقا قاجەت قاراجاتى جوق جوعارى وقۋ ورىندارىنىڭ بار ەكەنٸن تٸلگە تيەك ەتتٸ.
«سودان كەيٸن ينۆەستور مەن ۋنيۆەرسيتەت اراسىندا ىنتىماقتاستىق بار, ولار كونسورتسيۋمدىق كەلٸسٸم جاسايدى. ينۆەستوردىڭ اقشاسى, ۋنيۆەرسيتەتتٸڭ جەرٸ. ورتاق ٷلەستٸك مەنشٸك قۇرىلۋدا, ول شارتتىق قاتىناستارمەن رەتتەلەدٸ. بۇل رەتتە بٸز دە قارجىلاندىرامىز», - دەدٸ ساتىبالدين.
سپيكەر ەلٸمٸزدە مجە تەتٸگٸ بويىنشا جاتاقحانالار ەلٸ سالىنباعانىن اتاپ ٶتتٸ.
