جەلتوقسان ايىندا قازاقستاندىق جوو-دا وقيتىن اۋعان ستۋدەنتتەرٸ حالىقارالىق كٶشٸ-قون ۇيىمىنان (بۇۇ قازاقستانداعى كٶشٸ-قون اگەنتتٸگٸ) كٶمەك سۇرادى, دەپ حابارلايدى قازاقستان رەسپۋبليكاسىنداعى ادام قۇقىقتارى جٶنٸندەگٸ ۋەكٸلدٸڭ رەسمي سايتى.
وسىعان بايلانىستى قازاقستاننىڭ ادام قۇقىقتارى جٶنٸندەگٸ ۋەكٸل, ٸشكٸ ٸستەر مينيسترلٸگٸ, ەڭبەك جەنە حالىقتى ەلەۋمەتتٸك قورعاۋ مينيسترلٸگٸ گۋمانيتارلىق اكتسييا ٶتكٸزدٸ. ال كٶشٸ-قون جٶنٸندەگٸ حالىقارالىق ۇيىم GFFO (German Federal Foreign Office) قارجىلىق قولداۋ جاسادى.
گۋمانيتارلىق كٶمەك اياسىندا 200-دەن استام اۋعان ستۋدەنتٸ قارجىلىق جەنە كونسۋلتاتسييالىق-قۇقىقتىق قولداۋ الدى. بٷگٸنگٸ تاڭدا اكتسييا الماتى, شىمكەنت, قاراعاندى, ٶسكەمەن جەنە نۇر-سۇلتان قالالارىندا ٶتكٸزٸلدٸ.
«كٶشٸ-قون قىزمەتٸ كوميتەتٸ ەلٸمٸزدٸڭ جوعارى وقۋ ورىندارىندا وقيتىن اۋعانستاننىڭ 155 ازاماتىنا وقۋ ۆيزالارىن بەردٸ جەنە ۇزارتتى. كٶشٸ-قون قىزمەتٸ كوميتەتٸ تاراپىنان ۇيىمداستىرۋشىلىق رٶل كٶرسەتٸلدٸ. حالىقارالىق كٶشٸ-قون ۇيىمى تاراپىنان تيٸستٸ قارجىلىق كٶمەك كٶرسەتٸلدٸ», - دەپ اتاپ ٶتتٸ پوليتسييا پولكوۆنيگٸ, قر ٸٸم كٶشٸ-قون قىزمەتٸ كوميتەتٸ تٶراعاسىنىڭ ورىنباسارى تٸلەۋبەك تاحتانوۆ.
«قازٸر بٸزدٸڭ وتباسىلارىمىزدان اقشا الۋ مٷمكٸندٸگٸمٸز جوق, ٶيتكەنٸ ەلدەگٸ بانك جٷيەسٸ ەلٸ جۇمىس ٸستەمەيدٸ. ەشكٸم اقشا جٸبەرە نەمەسە اۋدارا المايدى, سوندىقتان بٸزگە بۇۇ - نىڭ كٶشٸ-قون جٶنٸندەگٸ اگەنتتٸگٸ سيياقتى ۇيىمدارعا سۇراۋ سالۋدى ۇسىندى», - دەپ گۋمانيتارلىق كٶمەك الۋشىلاردىڭ بٸرٸ بولعان نۇر-سۇلتان قالاسىنان كەلگەن اۋعان ستۋدەنتٸ مۇحاممەد كابير ەحسان بٶلٸستٸ.
قر ادام قۇقىقتارى جٶنٸندەگٸ ۋەكٸل اپپاراتىنىڭ رٶلٸن اتقاراتىن ادام قۇقىقتارى جٶنٸندەگٸ ۇلتتىق ورتالىقتا (اقجۇو) اتاپ ٶتكەندەي, بارلىق ستۋدەنتتەرگە زاڭدىق, قۇقىقتىق جەنە كونسۋلتاتسييالىق قولداۋ كٶرسەتٸلدٸ. اكتسييانىڭ نەگٸزگٸ مٸندەتتەرٸنٸڭ بٸرٸ ولاردىڭ قر-دا بولۋىنىڭ قۇقىقتىق مەرتەبەسٸن زاڭداستىرۋدى قامتاماسىز ەتۋ بولىپ تابىلادى.
«ەلەمدٸك قاۋىمداستىق ادام قۇقىقتارىن قورعاۋ مەسەلەلەرٸنە, ەسٸرەسە, ٸشكٸ ساياسي جەنە ەكونوميكالىق وقيعالار اياسىندا قيىن كەزەڭدٸ باستان ٶتكەرٸپ جاتقان ەلدەردە ەرەكشە كٶڭٸل بٶلەدٸ. ەربٸر مەملەكەت قيىن ٶمٸرلٸك جاعدايعا تاپ بولعان ميگرانتتارعا قاتىستى قابىلداي الاتىن قولداۋ شارالارىنىڭ پاكەتٸن دەربەس ايقىندايدى. اكتسييانىڭ نەگٸزگٸ باعىتتارىنىڭ بٸرٸ بٸلٸم الۋدى جالعاستىرۋ ٷشٸن اۋعانستاننان كەلگەن ازاماتتاردىڭ قازاقستاندا بولۋىنىڭ قۇقىقتىق مەرتەبەسٸن زاڭداستىرۋ بولىپ تابىلادى, بۇل ولاردىڭ كٶپشٸلٸگٸ ٷشٸن قۇقىقتىق سەبەپتەر بويىنشا عانا ەمەس, تٸلدٸك كەدەرگٸلەرگە بايلانىستى دا كٷردەلٸ بولىپ تابىلادى. ولاردىڭ بارلىعى بۇل جاعدايعا ٶز ەرٸكتەرٸمەن ەمەس, ولارعا دەگەن ادامگەرشٸلٸك كٶزقاراسىنىڭ كٶرٸنٸسٸ – مەملەكەتتٸڭ مٸندەتٸ عانا ەمەس, ەڭ الدىمەن بٸزدٸڭ ورتاق ادامي بورىشىمىز», - دەپقورىتىندىلادى قر ادام قۇقىقتارى جٶنٸندەگٸ ۋەكٸل ەلۆيرا ەزٸموۆا.
