Jeltoqsan aiynda qazaqstandyq JOO-da oqityn aýǵan stýdentteri halyqaralyq kóshi-qon uiymynan (BUU Qazaqstandaǵy kóshi-qon agenttigi) kómek surady, dep habarlaidy Qazaqstan Respýblikasyndaǵy Adam quqyqtary jónindegi ýákildiń resmi saity.
Osyǵan bailanysty Qazaqstannyń Adam quqyqtary jónindegi ýákil, Ishki ister ministrligi, eńbek jáne halyqty áleýmettik qorǵaý ministrligi gýmanitarlyq aktsiia ótkizdi. Al kóshi-qon jónindegi halyqaralyq uiym GFFO (German Federal Foreign Office) qarjylyq qoldaý jasady.
Gýmanitarlyq kómek aiasynda 200-den astam aýǵan stýdenti qarjylyq jáne konsýltatsiialyq-quqyqtyq qoldaý aldy. Búgingi tańda aktsiia Almaty, Shymkent, Qaraǵandy, Óskemen jáne Nur-Sultan qalalarynda ótkizildi.
«Kóshi-qon qyzmeti komiteti elimizdiń joǵary oqý oryndarynda oqityn Aýǵanstannyń 155 azamatyna oqý vizalaryn berdi jáne uzartty. Kóshi-qon qyzmeti komiteti tarapynan uiymdastyrýshylyq ról kórsetildi. Halyqaralyq kóshi-qon uiymy tarapynan tiisti qarjylyq kómek kórsetildi», - dep atap ótti politsiia polkovnigi, QR IIM Kóshi-qon qyzmeti komiteti tóraǵasynyń orynbasary Tileýbek Tahtanov.
«Qazir bizdiń otbasylarymyzdan aqsha alý múmkindigimiz joq, óitkeni eldegi bank júiesi áli jumys istemeidi. Eshkim aqsha jibere nemese aýdara almaidy, sondyqtan bizge BUU - nyń kóshi-qon jónindegi agenttigi siiaqty uiymdarǵa suraý salýdy usyndy», - dep gýmanitarlyq kómek alýshylardyń biri bolǵan Nur-sultan qalasynan kelgen aýǵan stýdenti Muhammed Kabir Ehsan bólisti.
QR Adam quqyqtary jónindegi ýákil apparatynyń rólin atqaratyn Adam quqyqtary jónindegi Ulttyq ortalyqta (AQJUO) atap ótkendei, barlyq stýdentterge zańdyq, quqyqtyq jáne konsýltatsiialyq qoldaý kórsetildi. Aktsiianyń negizgi mindetteriniń biri olardyń QR-da bolýynyń quqyqtyq mártebesin zańdastyrýdy qamtamasyz etý bolyp tabylady.
«Álemdik qaýymdastyq adam quqyqtaryn qorǵaý máselelerine, ásirese, ishki saiasi jáne ekonomikalyq oqiǵalar aiasynda qiyn kezeńdi bastan ótkerip jatqan elderde erekshe kóńil bóledi. Árbir memleket qiyn ómirlik jaǵdaiǵa tap bolǵan migranttarǵa qatysty qabyldai alatyn qoldaý sharalarynyń paketin derbes aiqyndaidy. Aktsiianyń negizgi baǵyttarynyń biri bilim alýdy jalǵastyrý úshin Aýǵanstannan kelgen azamattardyń Qazaqstanda bolýynyń quqyqtyq mártebesin zańdastyrý bolyp tabylady, bul olardyń kópshiligi úshin quqyqtyq sebepter boiynsha ǵana emes, tildik kedergilerge bailanysty da kúrdeli bolyp tabylady. Olardyń barlyǵy bul jaǵdaiǵa óz erikterimen emes, olarǵa degen adamgershilik kózqarasynyń kórinisi – memlekettiń mindeti ǵana emes, eń aldymen bizdiń ortaq adami boryshymyz», - depqorytyndylady QR Adam quqyqtary jónindegi ýákil Elvira Ázimova.
