قازاقستاندا بولاشاقتا يپوتەكا Blockchain تەحنولوگيياسى ارقىلى رەسٸمدەلەتٸن بولادى. بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ٶزٸنٸڭ Facebook جەلٸسٸندەگٸ پاراقشاسىندا جازدى, دەپ حابارلايدى "ۇلت اقپارات".
مۋسين جەلٸدەگٸ پاراقشاسىندا بٷگٸنگٸ ٷكٸمەت وتىرىسىندا كٶتەرٸلگەن كەيبٸر مەسەلەلەرگە تٷسٸنٸك بەرگەن.
«بٷگٸن ٷكٸمەت وتىرىسىندا پرەمەر-مينيسترگە يپوتەكانى رەسٸمدەۋدٸڭ كٷردەلٸ پروتسەسٸن بلوكچەين تەحنولوگيياسىمەن الماستىرۋعا ۋەدە بەردٸم. يپوتەكاعا پەتەر ساتىپ العاندا, كەپٸلدٸ تٸركەۋ قاجەت. بٷگٸندە بانكتەن قۇجاتتارىن الىپ, ولاردى حقكو-عا ۇسىنۋ قاجەت. 3 جۇمىس كٷنٸنەن كەيٸن حقكو-دان قۇجاتتاردى الىپ, ولاردى قايتادان بانككە كەرٸ قايتارۋ كەرەك. سودان كەيٸن عانا يپوتەكا بەرٸلەدٸ. رەسٸمدەۋ كەزٸندەگٸ بيۋروكراتييانى شەشۋ ٷشٸن Blockchain تەحنولوگيياسىن قولداندىق. وسى كٷردەلٸ پروتسەس تەك سىناق فورماتىندا اۆتوماتتاندىرىلدى. بۇل بٸزگە قانداي مٷمكٸندٸكتەر بەردٸ? يپوتەكانى رەسٸمدەۋ مەرزٸمٸن قىسقارتۋ جەنە كليەنت دەرەكتەرٸنٸڭ ساقتالۋى. مۇنداي جوبالار باسقا بانكتەر تاراپىنان دا ٸسكە اسىرىلاتىن بولادى جەنە قۇرىلىس كومپانييالارى دا وسى تەحنولوگيياعا قىزىعۋشىلىق تانىتىپ, پروتسەسكە تارتىلادى دەپ ٷمٸتتەنەمٸز», - دەپ جازدى مينيستر.
ونىڭ ٶزٸنشە, ٷكٸمەت وتىرىسىندا كٶتەرٸلگەن تاعى بٸر مەسەلە اۆتوكٶلٸكتٸ ساتىپ الۋ-ساتۋ پروتسەسٸن ٶزگەردٸ. اۆتوكٶلٸكتٸ تٸركەۋ ونلاين رەجيمٸندە قولجەتٸمدٸ بولعانىنا قاراماستان, ازاماتتار ماماندانىدىرىلعان حقكو-عا تٸكەلەي كەلٸپ, كٶپ ۋاقىتىن جۇمسايدى. مامانداندىرىلعان حقكو-لارعا جىل سايىن 3 ملن استام ازاماتتار جٷگٸنەدٸ. وندا قاشاندا ۇزىن-سونار كەزەك.
«بٸز ەنگٸزگەن جاڭا پروتسەسس - بازادا ساتىپ الۋشى اقشانى اۆتوموبيلدٸ ساتۋشىنىڭ شوتىنا اۋدارعاننان كەيٸن بٸردەن اۆتوكٶلٸك يەسٸن ٶزگەرتۋگە مٷمكٸندٸك بەرەدٸ. بارلىق مەسەلەلەردٸ جەدەل پىسىقتاعانى ٷشٸن ٸٸم ەرٸپتەستەرٸنە العىس ايتقىم كەلەدٸ. بٷگٸن عانا وسىنداي ىڭعايلى سەرۆيس پيلوتتىق رەجيمدە Kaspi.kz قوسىمشادا قولجەتٸمدٸ», - دەپ جازدى ب.مۋسين.
