قازاقستاندا ينتەرنەت الاياقتىعىمەن بايلانىستى قىلمىستار سانى ارتقان. بۇل تۋرالى قر ٸشكٸ ٸستەر مينيسترلٸگٸ كريمينالدىق پوليتسييا دەپارتامەنتٸ باستىعىنىڭ ورىنباسارى قانات نۇرماعامبەتوۆ ايتتى, دەپ حابارلايدى قازاقپارات.
«سوڭعى جىلدارى بٷكٸل ەلەمدە جەنە قازاقستاندا ينتەرنەت جەلٸسٸ ارقىلى جاسالاتىن قىلمىستاردىڭ, ونىڭ ٸشٸندە ينتەرنەت-الاياقتىقتىڭ سانى ارتتى. جىل باسىنان بەرٸ ٷش ايدا ٸشكٸ ٸستەر ورگاندارى وسىنداي 6 مىڭنان استام قىلمىستى تٸركەدٸ», - دەدٸ سپيكەر قر ٸٸم اپتالىق بريفينگٸندە.
مەسەلەن, Instagram جەلٸسٸندە ەيەلدەر كيٸمٸن ساتۋ تۋرالى جالعان حابارلاندىرۋ جارييالاعان جامبىل وبلىسىنىڭ تۇرعىنى ۇستالدى. قازٸرگٸ ۋاقىتتا اتالعان فاكتٸ بويىنشا 40 جەبٸرلەنۋشٸ انىقتالعان جەنە تەرگەۋ جالعاسۋدا.
«قاراعاندى وبلىسىندا دا ۇستالعان ازاماتقا قاتىستى قىلمىستىق ٸستٸ تەرگەۋ بارىسىندا ينتەرنەتتە اۆتوبٶلشەكتەر ساتۋ بويىنشا جالعان حابارلاندىرۋ ارقىلى قوسىمشا 23 الاياقتىق جاساعانى انىقتالدى. ال سولتٷستٸك قازاقستان وبلىسىندا ازاماتتاردىڭ قۇجاتتارىنىڭ كٶشٸرمەلەرٸن پايدالانا وتىرىپ, ونلاين نەسيەلەر رەسٸمدەۋ جولىمەن 50 ۇرلىق جاساعان الاياق ۇستالدى», - دەدٸ ق. نۇرماعامبەتوۆ.
مينيسترلٸكتٸڭ حابارلاۋىنشا, جىل باسىنان بەرٸ كيبەرقىلمىستارعا قارسى ٸس-قيمىل باعدارلاماسى جٷرٸپ جاتىر. ونىڭ اياسىندا مەملەكەتتٸك ورگاندارمەن, قارجى مەكەمەلەرٸمەن, ۇيالى بايلانىس وپەراتورلارىمەن, قىزمەت پروۆايدەرلەرٸمەن جەنە ونلاين پلاتفورمالارمەن ٶزارا الدىن الۋ شارالارى جاسالادى.
سونىمەن بٸرگە, توقسان سايىن رەسپۋبليكا اۋماعىندا كيبەرقىلمىستاردىڭ الدىن الۋعا جەنە اشۋعا باعىتتالعان جەدەل-الدىن الۋ شارالارى («Anti-fraud», «Hi-tech») جٷرگٸزٸلەدٸ.
