2021 جىلدىڭ 10 ايىندا ەلٸمٸزدە 17 800 ينتەرنەت-الاياقتىق تٸركەلدٸ. بۇل تۋرالى قر ٸٸم كريمينالدىق پوليتسييا دەپارتامەنتٸ باستىعىنىڭ ورىنباسارى قانات نۇرماعامبەتوۆ ايتتى, دەپ حابارلايدى قازاقپارات.
«ينتەرنەت-الاياقتىق قازٸرگٸ تاڭداعى ەلٸمٸزدە جەنە بٷكٸل ەلەمدە ورىن الىپ وتىرعان ٶزەكتٸ مەسەلەلەردٸڭ بٸرٸ بولىپ وتىر. مەملەكەت باسشىسى وسى جىلعى قازاقستان حالقىنا جولداۋىندا الاياقتىق قىلمىستارعا قارسى ناقتى شارالار قابىلداۋ كەرەك ەكەنٸن اتاپ ٶتتٸ. الاياقتار ازاماتتاردى الداۋ ٷشٸن ەر تٷرلٸ امالداردى قولدانادى. سول سەبەپتەن, وسىنداي قىلمىستاردىڭ سانى جىلدان جىلعا كٶبەيۋدە», - دەدٸ ول ٸٸم باسپاسٶز الاڭىندا ٶتكەن بريفينگتە.
قانات نۇرماعامبەتوۆتٸڭ اتاپ ٶتۋٸنشە, تسيفرلىق تەحنولوگييالاردىڭ دامۋى ولاردى قولدانۋ ارقىلى جاسالاتىن ۇرلىقتىڭ ارتۋىنا الىپ كەلدٸ.
«سوڭعى ۋاقىتتا ينتەرنەت-الاياقتىق ٷلكەن قوعامدىق رەزونانس تۋدىرىپ وتىر. ەگەر 2019 جىلى قازاقستاندا مۇنداي قىلمىستاردىڭ سانى 7 700 بولسا, 2020 جىلدىڭ قورىتىندىسىندا 14 مىڭنان اسىپ تٷستٸ. وسى جىلدىڭ 10 ايىندا ٶتكەن جىلدىڭ دەل وسىنداي كەزەڭٸمەن سالىستىرعاندا ولاردىڭ سانى 80 پايىزعا ارتىپ, 17 800 قىلمىسقا جەتٸپ وتىر», - دەدٸ دەپارتامەنت باستىعىنىڭ ورىنباسارى.
