قازاقستاندا ينفلياتسييا تاعى ٶسەدٸ دەپ بولجانىپ وتىر. بۇل تۋرالى ۇلتتىق بانك تٶراعاسىنىڭ ورىنباسارى ۆيتاليي تۋتۋشكين پارلامەنتتە رەسپۋبليكالىق بيۋدجەتتٸ تالقىلاۋ كەزٸندە ايتتى, دەپ حابارلايدى قازاقپارات.
«پروينفلياتسييالىق تەۋەكەلدەردٸڭ كٷشەيۋٸن ەسكەرسەك, قازاقستاننىڭ ينفلياتسييا بولجامى ٶسۋ جاعىنا قاراي قايتا قارالۋدا. بيىل ناۋرىزدا قازاقستاندا ينفلياتسييا 12%-عا دەيٸن جەدەلدەپ, 2016 جىلعى قىركٷيەكتەن باستاپ ەڭ جوعارى مەنگە جەتتٸ», - دەدٸ تۋتۋشكين مەجٸلٸستٸڭ جالپى وتىرىسىندا.
ونىڭ ايتۋىنشا, ازىق-تٷلٸك تاۋارلارى ينفلياتسيياعا ەڭ كٶپ ٷلەس قوسقان, مۇنداعى باعا ٶسٸمٸ 15,4%-عا دەيٸن جەدەلدەگەن.
«ناۋرىزدا بٸز ەلەۋمەتتٸك ماڭىزى بار ازىق-تٷلٸك تاۋارلارىنىڭ بٸردەن قىمباتتاپ كەتكەنٸن بايقادىق, بۇل رەسەيدەن يمپورتتاۋعا تىيىم سالۋ اياسىندا بٸرقاتار ازىق-تٷلٸك تاۋارلارىنىڭ دەفيتسيتٸنە بايلانىستى ورىن الدى. سونىڭ ەسەرٸنەن ناۋرىزدىڭ ەكٸنشٸ اپتاسىندا ازىق-تٷلٸك تاۋارلارى باعاسى 5,6%-عا ٶستٸ. وسىدان كەيٸن ەلەۋمەتتٸك ماڭىزى بار ازىق-تٷلٸك تاۋارلارى باعاسىنىڭ اپتا ٸشٸندەگٸ ٶسٸمٸ ناۋرىزدىڭ سوڭعى اپتاسىندا 1,3%, سەۋٸردٸڭ بٸرٸنشٸ جەنە ەكٸنشٸ اپتاسىندا قاتارىنان 0,9% بولىپ, بٸرتٸندەپ تۇراقتانا باستادى», - دەدٸ ۇلتتىق بانك ٶكٸلٸ.
