جەر قويناۋىن پايدالانۋعا ارنالعان ليتسەنزييالاردى ەلەكتروندى فورماتتا الۋ ٷشٸن قاجەتتٸ اقپارات اشىق ەرٸ قولجەتٸمدٸ بولۋى تيٸس. وسىنداي تاپسىرمانى ٷكٸمەت باسشىسى ەليحان سمايىلوۆ ٷكٸمەت وتىرىسىندا بەردٸ, دەپ حابارلايدى قازاقپارات.
ونىڭ ايتۋىنشا, قازاقستان كٶپتەگەن پايدالى قازبالاردىڭ قورى بويىنشا ەلەمدە جەتەكشٸ ورىن الادى. مىسالى, حرومنىڭ زەرتتەلگەن قورى بويىنشا ەلەمدە بٸرٸنشٸ ورىندا, ۋران مەن ۆولفرام بويىنشا – ەكٸنشٸ, مىرىش بويىنشا – ٷشٸنشٸ, قورعاسىن قورى بويىنشا – تٶرتٸنشٸ ورىندا تۇر. كٶمٸرسۋتەك شيكٸزاتىن ٶندٸرۋدەن قازاقستان 17-ورىندا.
«ەكونوميكامىزدىڭ ٶندٸرۋشٸ سەكتورى جالپى ٸشكٸ ٶنٸمنٸڭ 30%-كە جۋىعىن قامتيدى.
سوعان قاراماستان, ەلٸمٸزدٸڭ مينەرالدىق-شيكٸزاتتىق بازاسىن ٸزدەۋ جەنە تولىقتىرۋ جۇمىستارىن ٷنەمٸ جٷرگٸزٸپ وتىرۋ قاجەت. سول ٷشٸن گەولوگييا بۇل مەسەلەدە اسا ماڭىزدى رٶل اتقارادى. گەولوگييانى دامىتۋ ٷشٸن قاتتى پايدالى قازبالاردى ٸزدەۋگە جەڭٸلدەتٸلگەن ليتسەنزييالاۋ ەنگٸزٸلدٸ. شاعىن گەولوگييالىق بارلاۋ كومپانييالارىنا تيٸستٸ جاعداي جاسالدى», - دەدٸ ە. سمايىلوۆ.
گەولوگييا عىلىمىن دامىتۋ جەنە ٶڭدەۋ سالاسىن شيكٸزاتپەن قامتاماسىز ەتۋ ماقساتىندا پرەزيدەنت تاپسىرماسىمەن ۇلتتىق گەولوگييا قىزمەتٸ قۇرىلعان. «قازاقستاندىقتاردىڭ ەل-اۋقاتىن ارتتىرۋعا باعىتتالعان تۇراقتى ەكونوميكالىق ٶسۋ» ۇلتتىق جوباسى اياسىندا «گەولوگييا سالاسىن دامىتۋ» باعىتى قاراستىرىلعان. جوسپارعا سەيكەس 2026 جىلعا قاراي قازاقستان جەرلەرٸن زەرتتەۋ جۇمىستارى 680 مىڭ شارشى شاقىرىمعا ۇلعايىپ, جالپى كٶرسەتكٸش 2,2 ملن شارشى شاقىرىمعا جەتەدٸ.
«ەل اۋماعىن كەڭٸنەن زەرتتەۋ مەن ەكٸمشٸلٸك كەدەرگٸلەردٸ جويۋ ٶندٸرٸس سالاسىن قارقىندى دامىتۋعا مٷمكٸندٸك بەرەدٸ. نەتيجەسٸندە قازاقستاننىڭ ينۆەستيتسييالىق تارتىمدىلىعى ارتادى. جالپى, ەلٸمٸزدە عىلىمي-ينستيتۋتسيونالدىق بازا بار. ياعني, گەولوگييا سالاسىن دامىتۋ ٷشٸن بارلىق جاعداي جاسالۋدا», - دەپ اتاپ ٶتتٸ پرەمەر-مينيستر.
وسىعان وراي, ە. سمايىلوۆ گەولوگييا جەنە جەر قويناۋىن پايدالانۋ سالاسىنداعى ينۆەستورلارعا گەولوگييالىق مەلٸمەتتەردٸ قولجەتٸمدٸ ەتۋ ٷشٸن اقپاراتتىق جٷيە قۇرۋ قاجەتتٸگٸن ايتتى.
«سوندىقتان ەكولوگييا, گەولوگييا جەنە تابيعي رەسۋرستار مينيسترلٸگٸنە تسيفرلىق دامۋ, ەنەرگەتيكا, يندۋسترييا مينيسترلٸكتەرٸمەن بٸرلەسٸپ, جىل سوڭىنا دەيٸن KAZNEDRA پلاتفورماسىن ەزٸرلەۋ جەنە قولدانىسقا ەنگٸزۋ بويىنشا قاجەتتٸ شارالاردى قابىلداۋدى تاپسىرامىن. جەر قويناۋىن پايدالانۋعا ارنالعان ليتسەنزييالاردى ەلەكتروندى فورماتتا الۋ ٷشٸن قاجەتتٸ اقپارات اشىق ەرٸ قولجەتٸمدٸ بولۋى تيٸس», - دەدٸ ول.
سونىمەن بٸرگە ە. سمايىلوۆ بارلاۋ جەنە ٶندٸرۋ قۇقىعىن الۋعا مٷمكٸندٸك بەرەتٸن مەملەكەتتٸك جەر قويناۋى قورىن باسقارۋ باعدارلاماسىن ۋاقتىلى جاڭارتۋ قاجەتتٸگٸن جەتكٸزدٸ. سوندىقتان يندۋسترييا مينيسترلٸگٸنە ەنەرگەتيكا جەنە ەكولوگييا مينيسترلٸكتەرٸمەن بٸرلەسٸپ, بٸر ايدا جەر قويناۋىن پايدالانۋعا بولاتىن رەسپۋبليكانىڭ بارلىق اۋماعىن باعدارلاماعا قوسۋدى تاپسىردى.
«ٷشٸنشٸ, جەر قويناۋىن پايدالانۋعا ارنالعان قولدانىستاعى كەلٸسٸمشارتتاردى ۇزارتۋعا كٶپ ۋاقىت كەتەتٸندٸكتەن, ول رەسٸمدٸ جەڭٸلدەتۋ قاجەت. يندۋسترييا مينيسترلٸگٸنە ەنەرگەتيكا, ەكولوگييا, قارجى, ۇلتتىق ەكونوميكا مينيسترلٸكتەرٸمەن بٸرلەسٸپ, ەكٸ اپتا ٸشٸندە ەكٸمشٸلٸك كەدەرگٸلەردٸ ازايتۋ بويىنشا ناقتى شارالار ەزٸرلەۋدٸ تاپسىرامىن. اتالعان مەملەكەتتٸك قىزمەتتٸ تسيفرلاندىرۋ قاجەت.
تٶرتٸنشٸ, ۇلتتىق گەولوگييا قىزمەتٸنٸڭ تولىققاندى جۇمىس ٸستەۋٸن قامتاماسىز ەتۋ ٷشٸن ەكولوگييا, گەولوگييا جەنە تابيعي رەسۋرستار مينيسترلٸگٸنە بٸر اي مەرزٸمدە تيٸستٸ جەدەل شارالار قابىلداۋدى تاپسىرامىن. بەسٸنشٸ, ەكولوگتار, دەپۋتاتتار مەن قوعامدىق ۇيىمدار اقتٶبە وبلىسىنداعى «كٶكجيدە» بٸرەگەي جەراستى سۋلارى قورىنىڭ لاستانۋى مەسەلەسٸن ٷنەمٸ كٶتەرٸپ كەلەدٸ. وسى ورايدا ەنەرگەتيكا مينيسترلٸگٸ اتالعان سۋ ورنى اۋماعىندا جەر قويناۋىن پايدالانۋدى شەكتەۋ مەسەلەسٸن قاراستىرۋ كەرەك. ەكولوگييا مينيسترلٸگٸ بارلىق جەراستى سۋلارى بويىنشا مونيتورينگ جۇمىستارىن كٷشەيتسٸن», - دەپ تاپسىرما بەردٸ ٷكٸمەت باسشىسى.
