قازاقستاندا ٶڭدەۋ ٶنەركەسٸبٸندە تۇراقتى ٶسۋ بايقالىپ وتىر. بۇل تۋرالى قر ۇلتتىق ەكونوميكا مينيسترٸ ەسەت ەرعاليەۆ ايتىپ بەردٸ, دەپ حابارلايدى قازاقپارات.
«ٶڭدەۋ ٶنەركەسٸبٸندە تۇراقتى ٶسۋ ٷردٸسٸ ساقتالۋدا. بيىلعى قاڭتار-قازاندا سالا بويىنشا ٶندٸرٸس كٶلەمٸ 5,3%-عا ٶستٸ. 14 ٶڭٸردە وڭ ٶسۋ كٶرسەتكٸشٸ تٸركەلدٸ. ەڭ جوعارعى ٶسۋ الماتى قالاسىندا, سونداي-اق الماتى, قوستاناي جەنە قىزىلوردا وبلىستارىندا بايقالۋدا», - دەدٸ مينيستر ٷكٸمەتتٸڭ بٷگٸنگٸ وتىرىسىندا.
سونىمەن بٸرگە, ە. ەرعاليەۆ ٶڭدەۋ ٶنەركەسٸبٸندە قارقىندى ٶسۋ كٶرسەتكەن سالالاردى اتاپ ٶتتٸ.
«ٶڭدەۋ ٶنەركەسٸبٸ سالالارى بويىنشا فارماتسەۆتيكالىق ٶنٸم ٶندٸرۋ 33,6%-عا, ماشينا جاساۋ – 19,5%-عا, ونىڭ ٸشٸندە اۆتوموبيل جاساۋ – 23,4%-عا, ۆاگوندار مەن لوكوموتيۆتەر ٶندٸرٸسٸ – 59%-عا, سونداي-اق قۇرىلىس ماتەريالدارى – 9,3%-عا, پلاستماسسا بۇيىمدارى – 36,5%-عا, دايىن مەتالل بۇيىمدارى – 16,4%-عا, كيٸم – 11,4%-عا جەنە جيھاز – 11,8%-عا قارقىندى ٶسۋدٸ كٶرسەتٸپ وتىر», - دەدٸ ول.
