قازاقستاندا بيىلعى سەگٸز ايدا ەت باعاسى 7,4 پايىزعا ٶستٸ, - دەپ حابارلايدى Tengrinews.kz تٸلشٸسٸ energyprom.kz سايتىنا سٸلتەمە جاساپ.
قوي ەتٸ 14,6 پايىزعا قىمباتتاعان. سونداي-اق, جىلقى ەتٸ باعاسىنىڭ ەدەۋٸر ٶسۋٸ بايقالدى - 9,4 پايىز. سيىر ەتٸ 7,8 پايىزعا, قۇس ەتٸ 3,2 پايىزعا قىمباتتاعان.
تامىزدا دٷكەندەر مەن بازارلاردا سيىر ەتٸنٸڭ باعاسى بٸر كەلٸسٸ ٷشٸن ورتاشا العاندا 2,2 مىڭ تەڭگە شەگٸندە قۇبىلىپ وتىردى. جىلقى ەتٸنٸڭ قۇنى بٸر كەلٸسٸ ٷشٸن 2,5 مىڭ, قوي ەتٸ - 2,4 مىڭ تەڭگە.
ستاتيستيكاعا سٷيەنسەك, قاڭتار-تامىزدا ەت ٶندٸرٸسٸ 43 مىڭ توننا بولدى, بۇل بىلتىرعى 8 ايداعى كٶرسەتكٸشتەن 4,6 پايىزعا از. قۇس ەتٸن ٶندٸرۋ, كەرٸسٸنشە, 4,3 پايىزعا ارتىپ, 71,6 مىڭ تونناعا جەتتٸ.
سونداي-اق, باعانىڭ قىمباتتاۋىنان كەيٸن ەلدە ەت تۇتىنۋ ازايعان. بٸرٸنشٸ جارتىجىلدىق قورىتىندىسى بويىنشا قوي ەتٸن تۇتىنۋ جان باسىنا شاققاندا 10,6 پايىزعا - 2,5 كەلٸگە دەيٸن, تاۋىق ەتٸن تۇتىنۋ 4,4 پايىزعا - 2,2 كەلٸگە دەيٸن قىسقارعان. سونىمەن بٸرگە سيىر ەتٸن تۇتىنۋ تٸپتٸ جان باسىنا شاققانداعى ورتاشا ەسەپپەن 0,9 پايىزعا 11,8 كەلٸگە دەيٸن ٶستٸ.
