قازاقستان اۆتوبيزنەس قاۋىمداستىعى ەلٸمٸزدە تامىز ايىندا قانشا كٶلٸك ساتىلعانى تۋرالى ايتتى, دەپ حابارلايدى "ۇلت اقپارات".
وتاندىق ديللەرلەر تامىز ايىندا 5 781 جەڭٸل كٶلٸك پەن جەڭٸل كوممەرتسييالىق تەحنيكانى, سونداي-اق 607 جٷك كٶلٸگٸ مەن ارنايى تەحنيكانى, اۆتوبۋستاردى ساتقان. قازاقستاندىقتار تامىزدا كٶلٸك ساتىپ الۋ ٷشٸن 60 ملرد تەڭگە جۇمساعان.
«تامىز ايىندا كٶشباسشىلار تٸزٸمٸن Lada – 1 377 اۆتوموبيل باستادى (ٶتكەن ايعا قاراعاندا -3%). ەكٸنشٸ ورىن Hyundai ماركاسىندا بولسا (1 269 بٸرلٸك; -8%), ٷشٸنشٸ ورىن Toyota (1 254 اۆتو (-12%)) ماركاسىندا. قوستاناي ٶندٸرٸسٸنٸڭ Ravon اۆتوموبيلدەرٸ تٶرتٸنشٸ (323 بٸرلٸك; -1%) ورىنعا تۇراقتاپ, نىعايۋىن جالعاستىرۋدا. بٸردەن ٷش برەند Renault (238 بٸرلٸك; -2%), Nissan (191 بٸرلٸك; -1%) جەنە Volkswagen (176 بٸرلٸك; +87%) Kia (162) ماركاسىن تٶمەنگە ورىندارعا ىسىرىپ جٸبەردٸ. ٷزدٸك وندىققا Lexus پرەميۋم سەگمەنتٸ (139 بٸرلٸك) جەنە Skoda اۆتوكٶلٸكتەرٸ (93 بٸرلٸك; -45%) تٷيٸندەدٸ», - دەپ حابارلايدى قاۋىمداستىقتان.
مودەلدەردٸ ەسەپكە العاندا بٸرٸنشٸ ورىندى Toyota Camry 70 ۇستاپ تۇر. ٶتكەن ايدا اتالمىش ماركامەن 578 كٶلٸك ساتىلعان. ەكٸنشٸ ورىن Lada Granta – 453 اۆتو. ودان كەيٸنگٸ ورىنداردى Lada Vesta (381), Hyundai Tucson (373), Ravon Nexia R3 (317 بٸرلٸك), Hyundai Creta (299 بٸرلٸك), Hyundai Elantra (264 بٸرلٸك), Lada 4x4 (252 بٸرلٸك), Hyundai Accent (243 بٸرلٸك) جەنە Lada Largus (211 بٸرلٸك) جالعاستىرىپ كەتە بەرەدٸ.
قازاقستاندا ەڭ كٶپ ساتىلاتىن 10 كٶلٸكتٸڭ توعىزى وتاندىق كەسٸپورىنداردا ٶندٸرٸلەدٸ.
