قازاقستاندا حالىقتى ەمحاناعا تٸركەۋ ناۋقانى اياقتالدى. بيىلعى كامپانيياعا ەلٸمٸز بويىنشا 607 مەديتسينا ۇيىمى قاتىستى. ونىڭ 82-سٸ شاراعا تۇڭعىش رەت قاتىسىپ وتىر. بۇل تۋرالى الماتىدا ٶتكەن باسپاسٶز مەسليحاتىندا «مەديتسينالىق ساقتاندىرۋ قورى» كەاق باسقارۋشى ديرەكتورى زابيرا ورازاليەۆا حابارلادى.
بيىل ەمحانا تاڭداۋ قۇقىعىن 300 مىڭعا جۋىق ادام پايدالانعان. بەرٸنەن شىمكەنت, الماتى, استانا قالالارى, تٷركٸستان, قاراعاندى جەنە الماتى وبلىستارى ەرەكشە بەلسەندٸلٸك تانىتقان.
«كامپانييا نەتيجەسٸ بۇل باستامانىڭ استانا, الماتى سىندى ٸرٸ قالالار ٷشٸن عانا ەمەس, ايماقتار ٷشٸن دە ماڭىزدىلىعىن كٶرسەتٸپ بەردٸ. بۇل جولى قازاقستاندىقتاردىڭ باسىم بٶلٸگٸ ەمحاناعا ٶزدەرٸ بارىپ تٸركەلسە, 13,5 مىڭعا جۋىعى egov.kz پورتالى ارقىلى ونلاين تٸركەۋ قىزمەتٸن تاڭداعان», - دەدٸ زابيرا ورازاليەۆا.
الداعى ۋاقىتتا ەمحانانىڭ تٸركەۋ بٶلٸمدەرٸ ارقىلى تٸركەلۋ توقتاتىلادى. بۇل شەشٸم جٷيەلٸ پروبلەمالاردى جويىپ, قىزمەتٸن اسىرا پايدالانۋ جەنە فالسيفيكاتسييا فاكتٸلەرٸنٸڭ الدىن الۋ ماقساتىندا قابىلدانىپ وتىر.
«بۇعان ەشقانداي الاڭداۋدىڭ قاجەتٸ جوق. بٸرٸنشٸدەن, تٸركەلۋ ٷشٸن ەمحاناعا اياقتاي بارىپ ٷيرەنگەن ازاماتتار حالىققا قىزمەت كٶرسەتۋ ورتالىقتارىنىڭ قىزمەتٸنە جٷگٸنە الادى. اتالعان ورتالىقتاردا Connection Point بٶلٸمشەلەرٸ بار, ولار egov پورتالىنا قوسىلعان. سول جەردە ارنايى كەڭەسشٸلەر وتىرادى. ەكٸنشٸدەن, Egov.kz جۋىردا Telegram بوتىن ٸسكە قوستى. سمارتفوننىڭ كٶمەگٸمەن وسى بوت ارقىلى بٸرەر مينۋتتا تٸركەلۋگە بولادى. ٷشٸنشٸدەن, قازٸر ٶزٸڭٸزدٸ عانا ەمەس, بالالاردى دا ونلاين رەجيمدە تٸركەۋگە مٷمكٸندٸك تۋدى. جٷيە بارلىق مەلٸمەتتەردٸ قىسقا مەرزٸم ٸشٸندە, اۆتوماتتى تٷردە شىعارىپ بەرەدٸ. بۇل پروتسەستٸ بارىنشا جەڭٸلدەتەدٸ ەرٸ ارتىق قۇجات تالاپ ەتٸلمەيدٸ», - دەدٸ ز. ورازاليەۆا.
مسق الماتى فيليالى ديرەكتورى تٸلەۋحان ەبٸلداەۆتىڭ ايتۋىنشا, تٸركەۋگە ٶتٸنٸش بەرگەن وڭتٷستٸك استانالىقتاردىڭ بەستەن بٸرٸ egov پورتالى ارقىلى تٸركەلگەن. بۇل جۇرتشىلىقتىڭ ەنگٸزٸلٸپ وتىرعان جاڭا باستامالارعا دايىندىق دەڭگەيٸ جوعارى ەكەنٸن كٶرسەتسە كەرەك.
بيىلعى تٸركەۋ ناۋقانىنا 607 مەديتسينا ۇيىمى قاتىستى. ونىڭ 82-سٸ – كامپانيياعا تۇڭعىش رەت قاتىسىپ وتىرعاندار. اتالعان ەمحانالار كەلەر جىلى كەپٸلدەندٸرٸلگەن تەگٸن مەديتسينالىق كٶمەك شەڭبەرٸندە حالىققا قىزمەت كٶرسەتپەك.
جالپى, تٸركەۋ ناۋقانى – ەمحانا اۋىستىرۋدىڭ جالعىز جولى ەمەس. قازاقستاندىقتاردىڭ جىلىنا بٸر رەت ەمحانا اۋىستىرۋعا مٷمكٸندٸگٸ بار. سونىمەن قاتار, قونىس اۋدارعاندا, ەمحانا جابىلىپ قالسا نەمەسە مسق-مەن كەلٸسٸمشارتتى بۇزسا, جاقىن ماڭنان جاڭا ەمحانا سالىنسا, ەمحانا قىزمەتٸنە قاتىستى شىعىنداردى جاباتىن ەرٸكتٸ مەديتسينالىق ساقتاندىرۋ كەلٸسٸمشارتىن بەكٸتكەن جاعدايدا باسقا ەمحاناعا اۋىسۋعا بولادى. تٸركەۋمەن اينالىساتىن ەمحانالاردىڭ تولىق تٸزٸمٸن مەديتسينالىق ساقتاندىرۋ قورىنىڭ fms.kz سايتىنان تابۋعا بولادى.
