2021 جىلعى 3-توقساندا ديزەل وتىنى مەن كەروسيندٸ تاۋار بيرجالارى ارقىلى ساۋدالاۋدى باستاۋ جوسپارلانعان. بۇل تۋرالى بٷگٸن ٷكٸمەت وتىرىسىندا قر ەنەرگەتيكا مينيسترٸ نۇرلان نوعاەۆ ايتتى, دەپ حابارلايدى "ۇلت اقپارات".
«بيىل 17 ملن توننا كٶلەمٸندە مۇناي ٶڭدەپ, 12,4 ملن توننا مۇناي ٶنٸمدەرٸن ٶندٸرۋدٸ جوسپارلاپ وتىرمىز. وتاندىق مۇناي ٶڭدەۋدٸ قولداۋ ماقساتىندا بيىلعى جىلى اشىق تٷستٸ مۇناي ٶنٸمدەرٸنە, ياعني, بەنزين, ديزەل جەنە ەۋە وتىنىنا ەكسپورتتىق كەدەندٸك باج مٶلشەرلەمەسٸ 3 ەسە تٶمەندەتٸلدٸ. قازٸرگٸ ۋاقىتتا بەنزين مەن ديزەل وتىنىن ەكسپورتتاۋ كەزٸندە اكتسيز تٶلەۋدەن بوساتۋعا قاتىستى شارالار قابىلدانۋدا», - دەدٸ ٶڭدەۋ ٶنەركەسٸبٸن دامىتۋ جايىندا بايانداعان مينيستر.
وسى رەتتە ول پرەزيدەنت جولداۋىنىڭ اياسىندا مۇناي ٶنٸمدەرٸنٸڭ سالاسىندا دا بيرجالىق ساۋدانى رەتكە كەلتٸرۋ جەنە جەتٸلدٸرۋ بويىنشا تاپسىرما بەرٸلگەنٸن ەسكە سالدى.
«بيىلعى ناۋرىز ايىنىڭ سوڭىنا دەيٸن بەنزين مەن بيتۋمدى تاۋار بيرجالارى ارقىلى ساۋدالاۋدى جوسپارلاپ وتىرمىز. بۇل رەتتە ٶتكٸزۋ كٶلەمٸ «مۇناي ٶنiمدەرiنiڭ جەكەلەگەن تٷرلەرiن ٶندiرۋدi جەنە ولاردىڭ اينالىمىن مەملەكەتتiك رەتتەۋ تۋرالى» قازاقستان رەسپۋبليكاسى زاڭىنىڭ اياسىندا مينيسترلٸك بەكٸتەتٸن اي سايىنعى جەتكٸزۋ جوسپارلارىنا سەيكەس انىقتالاتىن بولادى. 2021 جىلعى 3-توقساندا ديزەل وتىنى مەن كەروسيندٸ تاۋار بيرجالارى ارقىلى ساۋدالاۋدى باستاۋ جوسپارلانۋدا», - دەدٸ نۇرلان نوعاەۆ.
