بٸلٸم جەنە عىلىم مينيسترٸ اسحات ايماعامبەتوۆ عىلىمي كادرلاردى دايارلاۋدى جەتٸلدٸرۋ جەنە اكادەمييالىق ورتانى جاقسارتۋ شارالارى جايلى ايتتى. شارالاردىڭ كٶپ بٶلٸگٸن بٸلٸم جەنە عىلىم مينيسترلٸگٸ جانىنداعى جاس عالىمدار كەڭەسٸ ۇسىندى, دەيدٸ مينيستر. بۇل تۋرالى ول ٶزٸنٸڭ Facebook پاراعىندا تولىق جازدى.
ايماعامبەتوۆتىڭ ايتۋىنشا, ديسسەرتاتسييانى قورعاۋ ٷشٸن قاجەتتٸ باسىلىمدارعا قويىلاتىن تالاپتاردى ٶزگەرتۋ بويىنشا قر بعم بۇيرىعىنىڭ جوباسى دايىندالدى. قر بعم №127 بۇيرىعىنا سەيكەس, دوكتورانتقا قورعاۋعا شىعۋ ٷشٸن مٸندەتتٸ تٷردە جەتٸ ماقالا جارييالاۋ كەرەك, بۇل رەتتە ساپاسى بويىنشا ەرەكشە تالاپتار قويىلمايدى.
"نەتيجەسٸندە باستى نازار تەك ساندىق كٶرسەتكٸشكە اۋدارىلىپ, ماقالالار ساپاسى كٷمەندٸ جۋرنالداردا جارييالانا باستايدى. كەيٸن عالىمدارىمىزدىڭ ماقالالارى حالىقارالىق بازالاردان شىعارىلعان بەلگٸسٸز بٸر جۋرنالداردا باسىلىپ شىققاندا تاڭ قالىپ جاتامىز. ەلبەتتە, قالىپتاسقان بۇل دەستٷردٸ ٶزگەرتۋ كەرەك. ياعني, سۇرانىسقا يە ەمەس "ەلسٸز" جۋرنالداردا ماقالالاردىڭ كٶپ جارييالانۋىنا قاراعاندا, بەدەلدٸ جۋرنالداردا ساپالى جارييالانىمدار از شىققانى جاقسىراق دەپ انىق ايتۋعا بولادى", - دەيدٸ ول.
بۇعان قوسا, ديسسەرتاتسييالىق كەڭەس تۋرالى ٷلگٸلٸك ەرەجەگە ديسسەرتاتسييالىق كەڭەس مٷشەلەرٸنە قويىلاتىن تالاپتاردى ارتتىرۋ جٶنٸندەگٸ جاڭا نورما ەنگٸزٸلەدٸ. كەڭەس مٷشەلەرٸنٸڭ كەمٸندە 2/3 بٶلٸگٸندە حيرش يندەكسٸ مەن رەتسەنزييالاناتىن حالىقارالىق عىلىمي جۋرنالداردا كەمٸندە ٷش جارييالانىم بولۋى تيٸس. ەلەۋمەتتٸك-گۋمانيتارلىق باعىتتار ٷشٸن بۇل كٶرسەتكٸشتەر تٶمەن بولادى.
سونداي-اق, ماگيسترلٸك جەنە دوكتورلىق ديسسەرتاتسييالار جەتەكشٸلەرٸنە قويىلاتىن تالاپتار دا ٶزگەرەدٸ.
"مەسەلەن, ەگەر بٷگٸنگٸ تاڭدا دوكتورانتتان كٷشتٸ جۋرنالداردا جارييالانىم تالاپ ەتٸلسە, وندا عىلىمي جەتەكشٸنٸڭ دە وسىنداي جارييالانىمدارى بولۋى تيٸس. قازٸرگٸ ۋاقىتتا ٸس جٷزٸندە تيٸستٸ تالاپتار جوق", - دەيدٸ مينيستر.
