قازاقستاندا ديپلومنىڭ شىنايىلىعىن تەكسەرەتٸن قىزمەت ٸسكە قوسىلادى. بۇل تۋرالى قر تسيفرلىق دامۋ, يننوۆاتسييالار جەنە اەروعارىشتىق دامۋ مينيسترٸ اسقار جۇماعاليەۆ مەلٸمدەدٸ, دەپ حابارلايدى "ۇلت اقپارات".
«سوڭعى جازبالارىما بٸرقاتار قىزىقتى پٸكٸرلەر مەن ۇسىنىستار جازىلعان ەكەن. سونىڭ بٸرنەشەۋٸنە جەكە-جەكە توقتالسام دەيمٸن. جۇمىس بەرۋشٸنٸڭ ديپلومنىڭ شىنايىلىعىن ولاين تەكسەرۋٸ ٷشٸن ديپلومداردى تسيفرلاندىرۋ ۇسىنىلدى. بۇل باعىتتا جۇمىس جٷرگٸزٸلٸپ جاتىر. بٸلٸم مينيسترلٸگٸ قازٸر ديپلومداردىڭ دەرەكتەر بازاسىن تولىقتىرىپ جاتىر. جىل سوڭىنا دەيٸن ديپلومنىڭ شىنايىلىعىن تەكسەرەتٸن سەرۆيستٸ ٸسكە قوسۋ جوسپارلانعان», - دەپ جازدى مينيستر Facebook جەلٸسٸندە.
مينيستردٸڭ ايتۋىنشا, تۇرعىندار اۋرۋحانا قاعازىن ەلەكتروندى فورماتقا اۋىستىرىپ, دەكرەتتٸك تٶلەمدەردٸڭ پرواكتيۆتٸ كٶرسەتٸلۋٸن ۇسىنعان.
«بۇل مەسەلە دە ۆەدومستۆوارالىق كوميسسييا وتىرىستارىندا كٶتەرٸلگەن. جٷكتٸ ەيەلدەر حقو-عا كەلٸپ ەۋرە بولماۋى ٷشٸن بوسانۋعا دەيٸنگٸ جەنە دەكرەتتٸك تٶلەمدەردٸ پرواكتيۆتٸ فورماتقا اۋىستىرۋ ۇسىنىلعان. كەشە ەڭبەك جەنە حالىقتى ەلەۋمەتتٸك قورعاۋ, دەنساۋلىق ساقتاۋ مينيسترلٸكتەرٸندەگٸ ەرٸپتەستەرمەن كەزدەسٸپ, پرواكتيۆتٸ فورماتقا اۋىستىرۋدى جەدەلدەتۋ تۋرالى ۋاعدالاستىق. جاقىن ارادا ونىڭ نەتيجەسٸن حابارلايمىن», - دەدٸ ا. جۇماعاليەۆ.
سونىمەن بٸرگە, تۇرعىندار قۇجاتتارعا اپوستيل قويۋ مەسەلەسٸن دە كٶتەرگەن.
«شەتەلدە جٷرگەن ادامدارعا كەيدە اپوستيلٸ بار قۇجات قاعاز جٷزٸندە كەرەك بوپ, ونى قازاقستاننان الدىرۋ قاجەت بولادى. ەدٸلەت مينيسترلٸگٸ ە-اپوستيل ەزٸرلەۋمەن اينالىسىپ جاتقانىن بٸلەمٸن, بۇل قۇجاتتاردى ونلاين الۋعا مٷمكٸندٸك بەرەدٸ. شامامەن تامىز ايىندا بۇل قىزمەت قولجەتٸمدٸ بولۋى مٷمكٸن. حالىققا قىزمەت كٶرسەتۋ ورتالىعىندا بانك قوسىمشالارى ارقىلى تٶلەم جاساۋعا بولادى. قازٸر دە مەملەكەتتٸك باج سالىعى QR-كود ارقىلى تٶلەنەدٸ. ٷشٸنشٸ توقساننىڭ سوڭىنا دەيٸن باسقا دا قىزمەت تٷرلەرٸن, جىلجىمايتىن مٷلٸكتٸ تٸركەۋ اقىسىن دا QR-كودپەن تٶلەۋ مٷمكندٸگٸن جاساۋدى تاپسىردىم», - دەدٸ اسقار جۇماعاليەۆ.
