ەلٸمٸزدٸڭ بٸلٸم بەرۋ وشاقتارىندا دەبات قوزعالىسىن دامىتىپ, وقۋشىلار مەن ستۋدەنتتەردٸڭ پٸكٸر-سايىس قابٸلەتٸن ٸلگەرٸلەتۋشٸ ماماندارعا قوسىمشا تٶلەماقى جاساۋ يدەياسى كٶتەرٸلدٸ. بۇل باستامانى بٸلٸم جەنە عىلىم مينيسترٸ اسحات ايماعامبەتوۆ العا تارتتى, دەپ حابارلايدى قازاقپارات تٸلشٸسٸ.
«جالپى ەلٸمٸزدٸڭ مەكتەپتەرٸندە دەبات قوزعالىسى جاقسى دامىپ كەلە جاتىر دەۋگە بولادى. بالالاردىڭ قىزىعۋشىلىعى بار. باستىسى ساپاعا جۇمىس ٸستەۋ كەرەك. ەگەر كەيبٸر مەكتەپتەردە دەبات جاتتىقشىرۋشىسى بولماسا نەمەسە دەباتتى ۇيىمداستىراتىن تيٸستٸ ماماندار جوق بولسا, وندا دەباتتىق قوزعالىس بار دەپ قولدان جاساۋ قاجەت ەمەس. بۇل كەرٸسٸنشە پٸكٸر-سايىس قوزعالىسىن دامىتۋعا كەدەرگٸ كەلتٸرەدٸ. سوندىقتان الدىمەن دەبات ٶتكٸزۋدٸڭ مەن-جايىن بٸلەتٸن كادردى دايارلاپ, شارۋانى سوسىن قولعا الۋ كەرەك. مٷمكٸن دەباتتى ۇيىمداستىرۋشىلارعا تٶلەماقى ٶتەۋ جاعىن قاراستىرۋ كەرەك شىعار», - دەدٸ اسحات ايماعامبەتوۆ مينيسترلٸكتە ٶتكەن اپپارات كەڭەسٸنٸڭ جيىنىندا.
مينيستردٸڭ ايتۋىنشا, بٸلٸم بەرۋ وشاقتارىندا دەبات قوزعالىسىنىڭ ٸلگەرٸلەۋٸنە ٷلەسٸن قوسىپ جاتقان مامانداردى ىنتالاندىرۋ كەرەك.
سونداي-اق, ا.ايماعامبەتوۆ «وقۋعا قۇشتار مەكتەپ» جوباسى تۋرالى سٶز قوزعادى.
«بۇل جوبادا جاقسى جولعا قويىلعان. مەن جالپى ٶڭٸرلەردٸ ارالاعاندا مەكتەپ باعدارلاماسىنان تىس بٸلٸم بەرۋ جوبالارىنىڭ ورىندالۋ بارىسىن دا قاداعالايمىن. تاياۋدا ساپارمەن اقتٶبە وبلىسىندا بولدىم. سوندا سەكٸلدٸ مارتٶك, حلەبوداروۆكا, اقجار سەكٸلدٸ شالعاي ەلدٸمەكەندەردە «وقۋعا قۇشتار مەكتەپ» جوباسى جاقسى دەڭگەيدە جٷزەگە اسىپ جاتىر. سونىمەن قاتار سقو-نىڭ بٸرقاتار شەتكەي اۋىل مەكتەپتەرٸندە دە بٸلٸم جوبالارىنىڭ ٸسكە اسۋىن ٷلگٸ تۇتۋعا بولادى», - دەيدٸ ول.
