Energyprom.kz ساراپشىلارىنىڭ مەلٸمەتٸنشە, ەلٸمٸزدە بەنزين ٷشٸنشٸ جىل قاتارىنان قىمباتتاپ جاتىر. مىسالى, بيىل مامىر ايىنىڭ قورىتىندىسى بويىنشا جانارماي 4,7 پروتسەنتكە, ال ديزەل وتىنىنىڭ باعاسى بٸردەن 41,5 پروتسەنتكە ٶسكەن, دەپ حابارلايدى Sputnik قازاقستان.
ەلدە بەنزين مەن ديزەل وتىنىن ٶندٸرۋ كٶرسەتكٸشٸ جىل سايىن ٶسٸپ كەلەدٸ. مەسەلەن, 2022 جىلدىڭ قاڭتار-سەۋٸر ايلارىندا 1,6 ميلليون توننا جانارماي شىعارىلدى. بۇل 2021 جىلدىڭ سەيكەس كەزەڭٸمەن سالىستىرعاندا 4 پروتسەنتكە ارتىق. سەكتورداعى ٶسٸم جەتٸنشٸ جىل قاتارىنان بايقالىپ وتىر.
2022 جىلدىڭ قاڭتار-سەۋٸر ايلارىنىڭ قورىتىندىسى بويىنشا 1,7 ميلليون توننا ديزەل وتىنى ٶندٸرٸلٸپ, ٶندٸرۋ كٶلەمٸ ەكٸنشٸ جىل قاتارىنان ٶسٸپ وتىر. بۇل ٶتكەن جىلمەن سالىستىرعاندا 8,4 پروتسەنتكە ارتىق.
"ٸشكٸ نارىقتا مۇناي ٶنٸمدەرٸ تاپشىلىعىنىڭ الدىن الۋ ٷشٸن قازاقستاندا اۆتوكٶلٸكپەن بەنزيندٸ, ديزەل وتىنىن, سونداي-اق باسقا دا مۇناي ٶنٸمدەرٸنٸڭ جەكەلەگەن تٷرلەرٸن ەكەتۋگە تىيىم سالىندى. تىيىم التى ايعا سوزىلدى. كەيٸن 2022 جىلدىڭ 21 مامىرىنا دەيٸن ۇزارتىلدى. ەنەرگەتيكا مينيسترلٸگٸ 2022 جىلدىڭ اياعىنا دەيٸن قازاقستان اۋماعىنان مۇناي ٶنٸمدەرٸن شىعارۋعا تىيىم سالۋدى ۇزارتۋدى جوسپارلاپ وتىر", – دەلٸنگەن حابارلامادا.
ايتا كەتەرٸ, ديزەل وتىنى يمپورتى بٸر جىلدا 15,3 پروتسەنتكە, بيىل بٸرٸنشٸ توقساندا 23 مىڭ تونناعا دەيٸن قىسقارعان. ەكسپورت بٸردەن 6 ەسە, 17,6 مىڭ تونناعا دەيٸن تٶمەندەدٸ. ٸشكٸ نارىقتا 2022 جىلدىڭ قاڭتار-ناۋرىزىندا 1,2 ميلليون توننا ديزەل وتىنى ساتىلدى. ال بۇل بىلتىرعى جىلدىڭ وسى كەزەڭٸمەن سالىستىرعاندا 18,3 پروتسەنتكە ارتىق.
2022 جىلعى مامىر ايىنىڭ قورىتىندىسى بويىنشا بەنزين باعاسى ٶتكەن جىلدىڭ مامىرىنا قاراعاندا 4,7 پروتسەنتكە ٶستٸ. تيٸستٸ كەزەڭدەگٸ ٶسٸم وسىمەن ٷشٸنشٸ جىل قاتارىنان بايقالادى. ديزەل وتىنىنىڭ باعاسى بٸردەن 41,5 پروتسەنتكە ٶستٸ, ال بۇعان دەيٸن ەكٸ جىل قاتارىنان ارزانداعان بولاتىن.
جانار-جاعارمايدىڭ جەكەلەگەن تٷرلەرٸن الاتىن بولساق, بٸر جىلدا:
- جازعى ديزەل وتىنى – 24,6 پروتسەنتكە;
- اي-98 بەنزينٸ – 9,6 پروتسەنتكە;
- اي-95/96 – 9,1 پروتسەنتكە;
- اي-92 – 4, 2 پروتسەنتكە قىمباتتاعان.
سونداي-اق اي-92 ماركالى بەنزيننٸڭ بٶلشەك ساۋداداعى ورتاشا باعاسى بيىل مامىردا ليترٸنە 178 تەڭگە, اي-95/96 – ليترٸنە 210 تەڭگە, اي-98 – ليترٸنە 232 تەڭگە, ال جازعى ديزەل وتىنى ليترٸنە 234 تەڭگەدەن ساتىلعان.
اي-92 ماركالى بەنزين پەتروپاۆلدا (ليترٸنە 182 تەڭگە), اي-95/96 الماتىدا (ليترٸنە 215 تەڭگە), اي-98 قوستانايدا (ليترٸنە 238 تەڭگە) قىمباتتادى.
اتىراۋدا بەنزين باعاسى ارزانىراق: اي-92 – ليترٸنە 168 تەڭگە, اي-95/96 - ليترٸنە 201 تەڭگە, اي-98 – ليترٸنە 227 تەڭگە. اقتاۋدا اي-95/96 ليترٸنە - 201 تەڭگە, قاراعاندى مەن ورالدا اي-98 ليترٸنە – 227 تەڭگە.
جازعى ديزەل وتىنى قوستاناي مەن پەتروپاۆلدا قىمباتىراق (ليترٸنە 260 تەڭگە), ال شىمكەنتتە كەرٸسٸنشە ارزان (ليترٸنە 225 تەڭگە).
GlobalPetrolPrices.com دەرەكتەرٸنە سٷيەنسەك, بيىل 6 ماۋسىمدا قازاقستان بەنزين باعاسى بويىنشا 170 ەلدٸڭ ٸشٸندە 11-ورىندى يەلەندٸ, ياعني ليترٸنە 0,48 دوللار. ال ديزەل وتىنى بويىنشا 169 ەلدٸڭ ٸشٸندە 16-ورىندى يەلەندٸ: ليترٸنە 0,55 دوللار.
ەڭ قىمبات باعا تٸركەلگەن ەلەم ەلدەرٸ قاتارىندا:
1. گونكونگ (ليترٸنە 2,96 دوللار);
2. نورۆەگييا (ليترٸنە 2,86 دوللار);
3. دانييا (ليترٸنە 2,73 دوللار);
4. فينلياندييا (ليترٸنە 2,68 دوللار);
5. يسلاندييا (ليترٸنە 2,52 دوللار سشا).
ديزەل وتىنى ەڭ قىمبات ەلدەر قاتارىندا گونكونگ (2,73 دوللار), شۆەتسييا (2,68 دوللار), نورۆەگييا (2,6 دوللار), موناكو (2,43 دوللار) جەنە يسلاندييا (2,46 دوللار).
