فوتو: pixabay
الماتى قالاسىنداعى بالا قۇقىقتارى جٶنٸندەگٸ ۋەكٸل حاليدا ەجٸعۇلوۆا ەر ادامدار اراسىندا ٶز بالاسىن ٶلتٸرۋ دەرەگٸ كٶبەيٸپ كەلە جاتقانىن ايتىپ دابىل قاقتى, دەپ حابارلايدى Azattyq Ruhy.
پارلامەنتتٸڭ جاڭا شاقىرىلىمى دەپۋتاتتارىنىڭ الدىندا سٶز سٶيلەگەن ومبۋدسمەن تەك بٸر جىلدىڭ ٸشٸندە ەلٸمٸزدە 9 بالا ٶز ەكەسٸنٸڭ قولىنان اسقان ايۋاندىقپەن مەرت بولعانىن ايتادى.
«تەك سوڭعى جىلدىڭ ٶزٸندە ەرەكشە قاتىگەزدٸكپەن جەنە اسقان ارسىزدىقپەن بەس قىلمىسكەر ٶز بالالارىن پىشاقتاپ ٶلتٸرٸپ, باسىن كەسٸپ, دارعا اسىپ تاستاعان. بٸر جىلدا بارلىعى 9 بالا سولاي مەرت بولدى. كٶپ جاعدايدا قانٸشەر ەكەلەر ەيەلدەرٸنە نەمەسە بۇرىنعى ەيەلدەرٸنە ەرەگٸسٸپ ٸستەگەن. سونىڭ بەرٸ ۇزاق جىلعا سوزىلعان وتباسىلىق زورلىق-زومبىلىقتىڭ سالدارىنان بولىپ جاتادى, ال وتباسىلىق جانجالعا پوليتسييا ەدەتتە كٶز جۇمىپ قارايدى», - دەيدٸ حاليدا ەجٸعۇلوۆا.
مەسەلەن, ماڭعىستاۋ وبلىسىندا ەكەلەردٸڭ ٶز بالالارىن ٶلتٸرۋٸنە قاتىستى ەكٸ وقيعا تٸركەلدٸ. بٸرەۋٸندە ەر ادام ٷش بالاسىن اسىپ ٶلتٸرلىپ, ارتىنشا ٶزٸ اسىلىپ قالسا, 2023 جىلدىڭ ناۋرىزىندا تاعى بٸر «ەكە» ٷش كٸشكەنتاي بالاسىن بٶلشەكتەپ ٶلتٸردٸ.
«دەسترۋكتيۆتٸ يسلامدىق اعىمنىڭ جاقتاۋشىسى دەلٸنەتٸن ەر ادام الدىن الا جالعا العان پەتەرٸندە ٷش كٸشكەنتاي بالاسىن قانعا بٶكتٸرگەن. ەرلٸ-زايىپتىلار اجىراسىپ كەتكەن. بالالارى اتىراۋدا اناسىمەن بٸرگە تۇرعان, دەمالىستا ەكەسٸ بالالارىن اقتاۋعا الىپ كەتكەنٸ بەلٸگٸلٸ بولدى. بالالاردى ٶلتٸرمەس بۇرىن ول بٸر شٶلمەك اراق پەن ٷش بالمۇزداق ساتىپ العان. بۇقارالىق اقپارات قۇرالدارىنىڭ حابارلاۋىنشا, ەر ادام بٸرٸنشٸ بالاسىن ٶلتٸرگەن سوڭ, ەيەلٸنە ٶلتٸرٸلگەن ۇلىنىڭ جانتٷرشٸگەرلٸك سۋرەتتەرٸن جٸبەرگەن. تاعى ەكٸ بالاسى ول كەزدە تٸرٸ بولعان, الايدا ارتىنشا ولاردى دا جەر جاستاندىرعان», - دەيدٸ ەجٸعۇلوۆا.
سونداي-اق 2023 جىلدىڭ ناۋرىزىندا قاراعاندى وبلىسىندا ەكەسٸ ەكٸ جاسار ۇلىن اناسى جۇمىستا بولعان كەزدە ٶلتٸرٸپ تاستاعان. ەر ادام سەبيگە 18 رەت پىشاق جاراقاتىن سالعان.
«بٸزدە مۇنداي اسقان قاتىگەزدٸكپەن جاسالعان بالا ٶلٸمٸ بۇرىن-سوڭدى بۇلايشا كٶپ بولماعان ەدٸ! بۇدان دا سوراقى جاعداي – قازاقستاندا تۇرمىستىق زورلىق-زومبىلىقتىڭ الدىن الۋ قادامدارى سانالى تٷردە تولىقتاي تۇنشىقتىرىلدى», - دەيدٸ ومبۋدسمەن.
ونىڭ ايتۋىنشا, مۇنداي قىلمىستاردىڭ ٶرشۋٸنە ٸشكٸ ٸستەر مينيسترلٸگٸ مەن باس پروكۋراتۋرانىڭ دا كٸنەسٸ بار. ٶيتكەنٸ 2017 جىلى تۇرمىستىق زورلىق-زومبىلىق ەرەكەتٸ قىلمىسسىزداندىرىلدى.
«تۇرمىستىق زورلىق-زومبىلىق قىلمىسقا جاتپايتىن بولعاندىقتان, وتباسىنداعى تيراندار مەن پسيحوپاتتار تٸپتەن ەسٸنەن تاندى دەسە بولادى. بۇرىن ولار ەڭ بولماعاندا ۇرىپ-سوققانى ٷشٸن قىلمىستىق جازادان قورقاتىن بولسا, ەندٸ ەيەلدەرٸ مەن بالالارىن ٸس جٷزٸندە ەش جازا الماستان سوققىعا جىعۋدان سەسكەنبەيتٸن بولدى. 2018 جىلدان باستاپ بٸز تۇرمىستىق اۋىر جەنە اسا اۋىر قىلمىستاردىڭ تۇراقتى ٶسكەنٸن بايقاپ وتىرمىز. ٶيتكەنٸ اگرەسسورلاردى ەندٸ تەجەيتٸن ەشتەڭە جوق. ولار بالالارى مەن ەيەلٸن ۇرىپ-سوعۋدى جەتكٸلٸكسٸز كٶرٸپ, ەندٸ ايدىڭ-كٷننٸڭ امانىندا اسىپ, شاۋىپ ٶلتٸرە بەرەتٸن بولدى», - دەيدٸ بالالار ومبۋدسمەنٸ.
حاليدا ەجٸعۇلوۆا جاڭا شاقىرىلىمنىڭ دەپۋتاتتارىن تۇرمىستىق زورلىق-زومبىلىق تۋرالى زاڭ جوباسىنا باستاماشىلىق جاساپ, ونى تەزٸرەك قابىلداۋعا شاقىردى.
«ەيتپەسە, ەلٸمٸز كٶپ ۇزاماي زورلىق-زومبىلىققا ۇشىراعانداردىڭ قانىنا تۇنشىعادى دەسەم ارتىق ايتپايمىن. زورلاۋشىلار مەن كٸسٸ ٶلتٸرۋشٸلەردٸڭ ەلٸنە اينالماسىن دەسەك, جەبٸرلەنۋشٸ تاراپ قىلمىسكەردٸ ٶزٸ جازالاپ قىلمىسقا بارماسىن دەسەك, تيٸستٸ زاڭدى قابىلداۋىمىز كەرەك. زاڭ ازاماتتاردى قۇقىقتىق تۇرعىدان قورعاۋدىڭ بٸردەن-بٸر جولى بولادى», - دەپ تٷيٸندەدٸ ول.
ميرا بايبەك
