بيىلعى قاڭتار ايىندا قازاقستاندا 100 مىڭنان استام كٶلٸك تٸركەۋگە قويىلدى. بۇل تۋرالى «قازاۆتوٶنەركەسٸپ» اۆتوكٶلٸك سالاسىنداعى كەسٸپورىندار وداعىنان مەلٸم ەتتٸ, دەپ حابارلايدى "ۇلت اقپارات".
«ەسەپتٸ كەزەڭدە ەكٸمشٸلٸك پوليتسييا ورگاندارى 118 592 اۆتوكٶلٸكتٸ تٸركەۋگە قويدى. اتالعان كٶرسەتكٸش ٶتكەن جىلدىڭ سەيكەس كەزەڭٸنەن 7 پايىزعا ارتىق. ونىڭ ٸشٸندە 107 171-ٸ بٸرنەشە رەت تٸركەلگەندەر ٷلەسٸندە, ياعني بٸر ادامنان ەكٸنشٸ ادامنىڭ اتىنا اۋىستىرىلعان كٶلٸكتەر ساناتىنا جاتقىزىلدى. بٸر جىل بۇرىنعى دەڭگەيمەن سالىستىرعاندا 3,3 پايىزعا ٶستٸ. ال العاش رەت تٸركەلگەن كٶلٸك قۇرالدارىنىڭ سانى ارتىپ, 11 421-دٸ قۇرادى. بۇل كٶرسەتكٸش بىلتىرعا قاراعاندا 62 پايىز جوعارى. 2020 جىلعى جەلتوقسان ايىمەن سالىستىرعاندا بيىلعى قاڭتاردا تٸركەلگەن كٶلٸكتەر سانى 18,2 پايىزعا تٶمەن بولدى», - دەپ اتاپ كٶرسەتٸلگەن تاراتىلعان مەلٸمەتتە.
2020 جىلدىڭ قورىتىندىسى بويىنشا قازاقستان اۋماعىندا 12 جەڭٸل ەلەكتروموبيل تٸركەلگەن.
«قازاۆتوٶنەركەسٸپتٸڭ» حابارلاۋىنشا, ەسەپتٸ كەزەڭدە قايتا تٸركەلگەن كٶلٸكتەردٸڭ ٷشتەن ەكٸسٸنەن استامىن (68,2 پايىزى) پايدالانۋ مەرزٸمٸ 10 جىلدان اسقان كٶلٸكتەر قامتىعان.
اتاپ ايتقاندا, 20 جىلدان اسقانداردىڭ ٷلەسٸ – 45 460 كٶلٸك (42,4 پايىز) بولسا, 11-دەن 20 جىلعا دەيٸنگٸلەر – 25,8 پايىز (27 655 كٶلٸك). ال 4-تەن 7 جىلعا دەيٸنگٸلەر – 12 293 كٶلٸككە (11,5 پايىز), 8-دەن 10 جىلعا دەيٸنگٸلەر – 15 588 كٶلٸككە (14,5 پايىز), 1-دەن 3 جىلعا دەيٸنگٸ كٶلٸك سانى 6 131-گە جەتتٸ. سونىمەن قاتار, پايدالانۋ مەرزٸمٸ 1 جىلعا جەتپەگەن كٶلٸكتەردٸڭ ٷلەسٸ 0,04 پايىز (44 اۆتوموبيل) بولدى.
