قر قارجى ۆيتسە-مينيسترٸ مارات سۇلتانعازيەۆ قازاقستاندا «بايلىق سالىعىن» ەنگٸزۋ مەسەلەسٸ 2022 جىلى قارالاتىنىن ايتتى, دەپ حابارلايدى قازاقپارات.
بٷگٸن سەناتتىڭ جالپى وتىرىسىندا سەناتور مۇرات باقتييارۇلى سەن-سالتاناتتى زاتتارعا ارنايى سالىق سالۋ مەسەلەسٸن كٶتەردٸ.
«2019 جىلى پرەزيدەنت ٶز جولداۋىندا «جالپى ٸشكٸ ٶنٸم مەن حالىق تابىسىنىڭ ارتۋىنا قاراماستان, قوعامدا مٷلٸكتٸك جٸكتەلۋ ٷدەرٸسٸ ساقتالىپ وتىر. بۇل - الاڭداتارلىق فاكتور. سوندىقتان وعان ەرەكشە نازار اۋدارۋ كەرەك» دەگەن بولاتىن. وسىعان بايلانىستى حالىقارالىق تەجٸريبەدە كٶپتەگەن ەلدە بار, سەن-سالتاناتقا ارنايى سالىق ەنگٸزۋ ٶتە ٶزەكتٸ مەسەلە دەپ ەسەپتەيمٸن. بۇل جەردە قىمبات ەليتالى جىلجىمايتىن مٷلٸكتەر, ۇشاقتار, ياحتالار, قىمبات اۆتوكٶلٸكتەر, زەرگەرلٸك بۇيىمدار سيياقتى سەن-سالتاناتتى زاتتارعا ارنايى سالىق سالۋدىڭ ەدٸلەتتٸ جٷيەسٸن قالىپتاستىرادى دەپ ويلايمىن. بۇل تۇرعىدا تيٸستٸ ۆەدومستۆونىڭ كٶزقاراسى قانداي», - دەپ سۇرادى سەناتور.
ٶز كەزەگٸندە ۆيتسە-مينيستر م. سۇلتانعازيەۆ بۇل مەسەلە قاراستىرىلىپ جاتقانىن ايتتى.
«وعان سالىقتى بٸز قاراستىرىپ جاتىرمىز. وسى ورايدا بيزنەسپەن تالقىلاۋ جۇمىستارى جٷرٸپ جاتىر. كەلەسٸ جىلى ٷكٸمەتتٸڭ جوباسىمەن ەنگٸزٸلەتٸن بولادى», - دەدٸ مارات سۇلتانعازيەۆ.
