ەلٸمٸزدە بالالارعا ارنالعان تٶلقۇجاتتى قولدانۋ مەرزٸمٸن قىسقارتۋ جاعى قارالىپ جاتىر, دەپ حابارلايدى قازاقپارات.
«بالالارعا ارنالعان تٶلقۇجات بەرۋدە حالىقارالىق تەجٸريبەنٸ ەسكەرە وتىرىپ, ونىڭ مەرزٸمٸن قىسقارتۋدى ۇسىنامىز. سەبەبٸ بالالاردىڭ سىرتقى كەلبەتٸ تەز ٶزگەرەدٸ. ياعني بالالار تٶلقۇجاتىن 12 جاسقا دەيٸن ەمەس, 5 جاسقا دەيٸن ەتٸپ بەرٸپ, سودان سوڭ قايتا اۋىستىرسا. 12 جاستان 16 جاسقا دەيٸن بەرٸلەدٸ. ودان ەرٸ تٶلقۇجات پەن جەكە كۋەلٸكتٸڭ جارامدىلىعى ەدەتتەگٸدەي 10 جىل بولىپ قالا بەرەدٸ. سونىمەن قاتار كەمەلەتكە تولماعان بالالارعا بەرٸلەتٸن تٶلقۇجات ٷشٸن مەملەكەتتٸك باج سالىعىن 8 اەك-تەن (23 336 تەڭگە) 4 اەك-كە (11 668 تەڭگە) دەيٸن تٶمەندەتۋ ۇسىنىلادى», - دەدٸ قر پارلامەنتٸ مەجٸلٸسٸنٸڭ دەپۋتاتى ەرلان سمايلوۆ مەجٸلٸستٸڭ زاڭناما جەنە سوت-قۇقىقتىق رەفورما كوميتەتٸنٸڭ وتىرىسىندا جاساعان بايانداماسىندا.
ونىڭ ايتۋىنشا, قازاقستاندىقتار جىل سايىن 600-700 مىڭ تٶلقۇجات رەسٸمدەيدٸ ەكەن. ونىڭ 20%-ى بالالار تٶلقۇجاتى.
«سوڭعى 5 جىل ٸشٸندە ەلٸمٸزدە 3 035 956 ەرەسەك ازاماتتارعا ارنالعان تٶلقۇجات جەنە 610 061 بالالار تٶلقۇجاتى دايىندالىپتى. بالالار تٶلقۇجاتىنىڭ مەرزٸمٸن قىسقارتۋعا قاتىستى جوعارىدا ايتىپ ٶتكەنٸمدەي, ولاردىڭ سىرتقى كەلبەتٸ تەز ٶزگەرەدٸ. ياعني بالا تەز ٶسەدٸ دە, 2-3 جىلدان كەيٸن تٶلقۇجاتتاعى سۋرەتٸ, دەل سول كەزدەگٸ تٷرٸنە سەيكەس كەلمەي جاتادى. سول سەبەپتٸ كەيدە اتا-انالارعا جاڭا تٶلقۇجات جاساتۋعا تۋرا كەلەدٸ. بۇل اتا-انانىڭ قالتاسىنا جٷك تٷسٸرەدٸ, ەسٸرەسە وتباسىندا 2-3 بالا بولسا», - دەيدٸ ول.
