قازاقستاندا بۇقارالىق اقپارات قۇرالدارى ٷشٸن جاڭا ۇعىم ەنگٸزٸلٸپ, جاڭا مەدياعا انىقتاما بەرٸلەدٸ. بۇل تۋرالى قر اقپارات جەنە قوعامدىق دامۋ ۆيتسە-مينيسترٸ كەمەلبەك ويشىباەۆ ايتتى, دەپ حابارلايدى قازاقپارات.
«جاڭا تەحنولوگييالاردىڭ دامۋىنا بايلانىستى باق-تى زاڭنامالىق دامىتۋ مەسەلەسٸن پىسىقتاپ جاتىرمىز. اتاپ ايتار بولساق, زاڭعا ٶزگەرتۋلەر ەنگٸزۋدٸ جوسپارلاپ وتىرمىز. ونى جۋرناليستەر قوعامداستىعىمەن تالقىلايمىز جەنە ول 2023 جىلى قابىلدانۋى مٷمكٸن», - دەدٸ ۆيتسە-مينيستر «Astana Media Week – 2021» مەديا اپتالىعى اياسىنداعى «مەديانى دامىتۋ ستراتەگيياسى» اتتى دٶڭگەلەك ٷستەل بارىسىندا.
ونىڭ اتاپ ٶتۋٸنشە, بۇقارالىق اقپارات قۇرالدارى ٷشٸن جاڭا ۇعىم ەنگٸزٸلەتٸن بولادى.
«جاڭا مەدياعا انىقتاما بەرەمٸز. بۇل - ينتەرنەتتەگٸ بارلىق جاڭا پلاتفورمالار, دامۋشى اقپاراتتار. وعان ٸزدەۋ جٷيەسٸن, وتت پلاتفورماسى مەن ەلەۋمەتتٸك جەلٸلەردٸ جاتقىزامىز. قازاقستانداعى جۇمىس ەرەجەسٸن بەكٸتەمٸز. مەديا-ٶلشەم پروتسەدۋراسى زاڭنامالىق تۇرعىدا ەنگٸزٸلەدٸ. بٸز ٷشٸن قازاقستاندا مەديا-ٶلشەم جاڭا تەحنولوگييالاردى قولدانۋمەن بولعانى جەنە حالىقتى 100 پايىز قامتىعانى ماڭىزدى. بۇل بارلىق قازاقستاندىقتىڭ قانداي مەديانى ۇناتاتىندىعى تٷسٸنٸكتٸ بولۋى ٷشٸن قاجەت», - دەدٸ كەمەلبەك ويشىباەۆ.
