Qazaqstanda buqaralyq aqparat quraldary úshin jańa uǵym engizilip, jańa mediaǵa anyqtama beriledi. Bul týraly QR Aqparat jáne qoǵamdyq damý vitse-ministri Kemelbek Oishybaev aitty, dep habarlaidy QazAqparat.
«Jańa tehnologiialardyń damýyna bailanysty BAQ-ty zańnamalyq damytý máselesin pysyqtap jatyrmyz. Atap aitar bolsaq, zańǵa ózgertýler engizýdi josparlap otyrmyz. Ony jýrnalister qoǵamdastyǵymen talqylaimyz jáne ol 2023 jyly qabyldanýy múmkin», - dedi vitse-ministr «Astana Media Week – 2021» media aptalyǵy aiasyndaǵy «Mediany damytý strategiiasy» atty dóńgelek ústel barysynda.
Onyń atap ótýinshe, buqaralyq aqparat quraldary úshin jańa uǵym engiziletin bolady.
«Jańa mediaǵa anyqtama beremiz. Bul - internettegi barlyq jańa platformalar, damýshy aqparattar. Oǵan izdeý júiesin, OTT platformasy men áleýmettik jelilerdi jatqyzamyz. Qazaqstandaǵy jumys erejesin bekitemiz. Media-ólshem protsedýrasy zańnamalyq turǵyda engiziledi. Biz úshin Qazaqstanda media-ólshem jańa tehnologiialardy qoldanýmen bolǵany jáne halyqty 100 paiyz qamtyǵany mańyzdy. Bul barlyq qazaqstandyqtyń qandai mediany unatatyndyǵy túsinikti bolýy úshin qajet», - dedi Kemelbek Oishybaev.
