ازىق-تٷلٸك تاۋارلارىنا باعا بٸر جىلدا (2020 جىلعى اقپان 2019 جىلعى اقپانعا) 8,6% ٶستٸ. بۇل تۋرالى "ۇلت اقپارات" ستاتيستيكا اگەنتتٸگٸنە سٸلتەمە جاساپ حابارلايدى.
نان ٶنٸمدەرٸ جەنە جارمالار, ەت, بالىق جەنە تەڭٸز ٶنٸمدەرٸ, سٷت ٶنٸمدەرٸ, جۇمىرتقا, ماي جەنە توڭماي, كونديتەرلٸك ٶنٸمدەر, جاڭا جينالعان كٶكٶنٸستەر مەن جەمٸستەر, الكوگولسٸز سۋسىندار جەنە الكوگولدٸ ٸشٸمدٸكتەر قىمباتتادى, ال قانت ارزاندادى.
2020 جىلعى اقپاندا جارما ٶنٸمدەرٸ توبىندا قاراقۇمىق جارماسىنا ورتاشا باعاسى كيلوگرامىنا 326 تەڭگەنٸ (2019 جىلعى اقپاندا – 243 تەڭگە), سۇلى جارماسىنا – 352 تەڭگەنٸ (330 تەڭگە), سٶككە – 373 تەڭگەنٸ (254 تەڭگە), كٷرٸشكە 376 تەڭگەنٸ (323 تەڭگە) قۇرادى.
قۇمشەكەردٸڭ ورتاشا باعاسى 2020 جىلعى اقپاندا كيلوگرامىنا 185 تەڭگەنٸ, 2019 جىلعى اقپاندا 236 تەڭگەن بولدى.
2020 جىلعى اقپاندا سٷت ٶنٸمدەرٸنەن سٷزبەگە ورتاشا باعا كيلوگرامىنا 1615 تەڭگەنٸ (2019 جىلعى اقپاندا – 1579 تەڭگە), قايماققا – 1121 تەڭگەنٸ (1050 تەڭگە), ايرانعا – 300 تەڭگەنٸ (286 تەڭگە), پاستەرلەنگەن سٷتكە 256 تەڭگەگە (239 تەڭگە) ساۋدالانۋدا.
