قازاقستاندا تۇرعىن ٷي سالاسىندا گەندەرلٸك تەڭدٸكتٸ جەتٸلدٸرۋ ماقساتىندا ەيەلدەرگە ارنالعان يپوتەكا جوباسى جٷزەگە اسىرىلادى. بۇل تۋرالى «قازاقستاننىڭ تۇرعىن ٷي قۇرىلىس جيناق بانكٸ» اق باسشىلىعى ايتتى, دەپ حابارلايدى قازاقپارات.
«تۇرعىن ٷي قۇرىلىس جيناق بانكٸ تاعى بٸر جوبانى ٸسكە قوستى. ونى 2020 جىلى جٷزەگە اسىرۋدى جوسپارلاپ وتىر. بۇل «تۇرعىن ٷي قۇرىلىسىن قارجىلاندىرۋدا گەندەرلٸك تەڭدٸكتٸ قولداۋ جٶنٸندەگٸ جوبا» نەمەسە «ەيەلدەر يپوتەكاسى» دەپ اتالادى. جوبانى ازييا دامۋ بانكٸ 38 ميلليارد تەڭگە كٶلەمٸندە قارجىلاندىرادى», - دەدٸ باسپاسٶز مەسليحاتىندا «تۇرعىن ٷي قۇرىلىس جيناق بانكٸ» اق باسقارما تٶراعاسىنىڭ ورىنباسارى ەلييا ايداربەكوۆا.
قازٸر قازاقستاندا 9,1 ميلليون ەيەل تۇرادى. ونىڭ ٸشٸندە 4,4 ميلليونى جۇمىس ٸستەيدٸ, ولاردىڭ جارتىسى ٶز وتباسىلارىن دەربەس قامتاماسىز ەتەدٸ. بۇل رەتتە ەيەلدەر ورتاشا ەسەپپەن ەر ادامعا قاراعاندا ٷشتەن بٸر بٶلٸككە از جالاقى الادى.
«تابىس دەڭگەيٸنٸڭ تٶمەندٸگٸ ولاردىڭ ٷي ساتىپ الۋ ٷشٸن قول جەتٸمدٸ نەسيە الۋى ەر ادامدارعا قاراعاندا قيىن ەكەنٸن كٶرسەتەدٸ. ەيەلدەرگە نەسيەلەر باستاپقى جەنە قوسىمشا تۇرعىن ٷي ساتىپ الۋعا بەرٸلەدٸ. نەسيەنٸڭ ەڭ جوعارى سوماسى 30 ملن تەڭگەنٸ قۇرايدى. ونى الۋ ٷشٸن تابىسى 200 مىڭ تەڭگەدەن تٶمەن بولسا, 15% مٶلشەرٸندە ەڭ تٶمەنگٸ باستاپقى جارنا, ال تابىسى 200 مىڭ تەڭگەدەن اساتىن ادامدار ٷشٸن 20% باستاپقى جارنا جەتكٸلٸكتٸ», – دەپ تٷسٸندٸردٸ ەلييا ايداربەكوۆا.
ونىڭ ايتۋىنشا, پايىزدىق مٶلشەرلەمە الدىن الا بولجام بويىنشا 12% دەڭگەيٸندە بولادى.
«نەسيەنٸڭ پايىزدىق مٶلشەرلەمەسٸ الدىن الا بولجام بويىنشا 12% دەڭگەيٸندە بولادى. الدىمەن 50%-عا دەيٸن اقشا جيناۋ قاجەت. بٸزبەن بٸرگە اقشا جيناعان ادامنىڭ كەيٸن ستاۆكاسى تٶمەندەپ 3,5% - 5%-دى قۇرايتىن بولادى. بٸز قاڭتار ايىندا العاشقى 7 ملرد تەڭگەنٸ الۋدى جوسپارلاپ وتىرمىز. ازييا دامۋ بانكٸنٸڭ جالعىز شارتى بار. يپوتەكالىق نەسيەنٸڭ 40%-ىن ٸرٸ قالالارعا, ال 60%-ىن ايماقتارعا بەرەۋ كەرەك دەگەن شارت قويدى. سوندىقتان بۇل باعدارلاما, ەڭ الدىمەن, ايماقتاردا باستالادى. ولار بٸزدٸڭ سالىمشىلارىمىز بولۋى كەرەك», - دەپ تولىقتىردى لياززات يبراگيموۆا.
