قازاقستاندا كوروناۆيرۋسقا قارسى ۆاكتسينا تاپشىلىعى بولماۋى تيٸس. بۇل تۋرالى بٷگٸن تٸكەلەي ەفيردە QazCOVID-in ۆاكتسيناسىن العان قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«ٶزدەرٸڭٸزدە بٸلەتٸندەي, ۆاكتسينا قاي ۋاقىتتا جەتكٸزٸلەتٸندٸگٸنە قاتىستى قازاقستاننىڭ ەربٸر ٶڭٸرٸ بويىنشا ناقتى كەستە بار. كٷنٸ كەشە عانا باتىس قازاقستانعا ۆاكتسينا جەتكٸزٸلدٸ جەنە كٷن سايىن, ەكٸ كٷندە بٸر رەت جاڭا پارتيياسى جەتكٸزٸلٸپ وتىرادى. سوندىقتان ايتارلىقتاي تاپشىلىق ورىن الا قويماۋى كەرەك. ەڭ باستىسى, ازاماتتارىمىز ۆاكتسينانىڭ قاۋٸپسٸز, تيٸمدٸ ەكەندٸگٸنە كٶز جەتكٸزدٸ. ول انتيدەنە تيترٸن كٶتەرەتٸندٸگٸن كٶردٸ جەنە تۋعان-تۋىستارىنا ٶزٸن, جاقىندارىن قورعاۋ ٷشٸن ۆاكتسيناتسييادان ٶتۋگە كەڭەس بەرۋدە», - دەدٸ الەكسەي تسوي ۆاكتسينادان كەيٸن «حابار 24» تەلەارناسى تٸلشٸسٸنە بەرگەن سۇحباتىندا.
ونىڭ دەرەگٸنشە, بٷگٸندە ەربٸر 20-شى قازاقستاندىق ۆاكتسينا الدى. ياعني, ۆاكتسيناتسييا قارقىنى جاقسى ٶتٸپ جاتىر.
«بٸزدٸڭ مٸندەتٸمٸز – مٷمكٸندٸك بەرۋ. ال ودان كەيٸن ازاماتتار ۆاكتسينا الۋدى ٶزدەرٸ تاڭداپ, وقشاۋلانۋدان شىعۋدىڭ جالعىز جولى سول ەكەندٸگٸن تٷسٸنٸپ وتىر», - دەدٸ دەنساۋلىق ساقتاۋ مينيسترٸ.
ەسكە سالايىق, بٷگٸن, 26 سەۋٸردە حالىقتى كوروناۆيرۋسقا قارسى QazVac ۆاكتسيناسىمەن ەگۋ باستالدى. دەنساۋلىق ساقتاۋ مينيسترٸ الەكسەي تسوي العاشقىلاردىڭ بٸرٸ بولىپ وتاندىق ۆاكتسينامەن ەكپە الدى.
