فوتو: ەليحان ساريەۆ, Tengrinews.kz
قازاقستاندا قۇقىق قورعاۋ ورگاندارى سۇيىتىلعان مۇناي گازىن كٶتەرمە جەتكٸزۋشٸلەرگە قاتىستى تەرگەۋدٸ اياقتادى. بۇل تۋرالى دٷيسەنبٸدە پرەزيدەنت قاسىم-جومارت توقاەۆتىڭ باسپاسٶز قىزمەتٸ ٶكٸلٸ ايتتى, - دەپ حابارلايدى Tengrinews.kz.
"سۇيىتىلعان مۇناي گازىنىڭ التى ٸرٸ كٶتەرمە جەتكٸزۋشٸسٸنە قاتىستى تەرگەۋ اياقتالدى. سۇيىتىلعان مۇناي گازىن ساتۋشىلار جاعدايدى پايدالانىپ, ەڭ جوعارى باعا بەلگٸلەنگەنٸ انىقتالدى", - دەلٸنگەن حابارلامادا.
"قازاقويل اقتٶبە" جشس-نە قاتىستى ەكٸمشٸلٸك ايىپپۇل سالۋ تۋرالى سوت شەشٸمٸ شىعارىلدى. "سنپس-اقتٶبەمۇنايگاز" اق جەنە "سپ قازگەرمۇناي" جشس-نە قارسى ەكٸمشٸلٸك ٸستەر قوزعالىپ, سوتقا بەرٸلگەن.
ال Petrosun جشس جەنە "قازاق گاز ٶڭدەۋ زاۋىتى" جشس قاتىستى قىلمىستىق ٸستەر قوزعالىپ, "قازمۇنايگاز" ۇك" اق بويىنشا ٸس ماتەريالدارى قارجى مونيتورينگٸ اگەنتتٸگٸنە بەرٸلگەن.
سونداي-اق, "قازاق گاز ٶڭدەۋ زاۋىتى" جشس-نٸڭ ەرەكەتتەرٸندە سۇيىتىلعان مۇناي گازىن ٶتكٸزۋ كٶلەمٸن زاڭسىز قىسقارتۋ دەرەكتەرٸ انىقتالعان.
باسپاسٶز قىزمەتٸ مەلٸمەتٸنشە, بەسەكەلەستٸكتٸ قورعاۋ جەنە دامىتۋ اگەنتتٸگٸ سۇيىتىلعان مۇناي گازىن بٶلشەك ساۋدادا ٶتكٸزۋشٸلەرگە قاتىستى 193 تەرگەۋ جٷرگٸزٸپ جاتىر, ونىڭ 89-ى باس پروكۋراتۋرامەن بٸرلەسٸپ جٷرگٸزٸلەدٸ.
"نارىقتىڭ 65 سۋبەكتٸسٸنٸڭ ٸس-ەرەكەتٸندە كەلٸسٸلگەن ٸس-قيمىلدار مەن كارتەلدٸك سٶز بايلاسۋ دەرەكتەرٸ انىقتالدى. 45 سۋبەكتٸگە قاتىستى ەكٸمشٸلٸك ٸس قوزعالدى, ماتەريالدار سوتقا جولداندى. ەكٸمشٸلٸك ايىپپۇلدىڭ جالپى سوماسى 92 ميلليون تەڭگە بولادى", - دەلٸنگەن حابارلامادا.
قاڭتاردا قازاقستاندا سۇيىتىلعان گاز باعاسىنىڭ ٶسۋٸنە بايلانىستى جاپپاي نارازىلىق ٶتتٸ. نارازىلىقتار جاڭاٶزەن مەن اقتاۋدا باستالدى, سودان كەيٸن باسقا قالالاردا, سونىڭ ٸشٸندە الماتىدا دا جالعاستى.
5 قاڭتاردا مەملەكەت باسشىسى باس پروكۋراتۋراعا بەسەكەلەستٸكتٸ قورعاۋ اگەنتتٸگٸمەن بٸرلەسٸپ سۇيىتىلعان مۇناي گازىن ساتۋمەن اينالىساتىن كومپانييالارعا قاتىستى تەرگەۋ جٷرگٸزۋدٸ تاپسىردى.
