مٷگەدەكتٸگٸ بار ادامدار 2020 جىلعى 1 قاڭتاردان باستاپ تەحنيكالىق وڭالتۋ قۇرالدارىنىڭ 55 تٷرٸنٸڭ 24-ٸنە جەنە مەملەكەتتٸك مەكەمەلەردە ارنايى ەلەۋمەتتٸك قىزمەتتەرگە تاپسىرىس بەرە الادى, دەپ حابارلايدى "ۇلت اقپارات".
تەحنيكالىق وڭالتۋ قۇرالدارىنىڭ قالعان 31 تٷرٸ 2020 جىلعى شٸلدەگە دەيٸن كەزەڭ-كەزەڭٸمەن ەنگٸزٸلەدٸ. مٷگەدەكتەكتٸگٸ بار ادامداردى وڭالتۋ قۇرالدارىمەن قامتاماسىز ەتۋگە پروتەزدٸك-ورتوپەدييالىق, دىبىستىق-تەحنيكالىق, تيفلوتەحنيكالىق جەنە گيگيەنالىق قۇرالداردى, سونداي-اق مٷگەدەكتٸك اربالاردى بەرۋ جاتادى.
ال ارناۋلى ەلەۋمەتتٸك قىزمەتتەرگە جەكە كٶمەكشٸلەردٸڭ, ىمداۋ تٸلٸ ماماندارىنىڭ جەنە ساناتورييلەردٸڭ قىزمەتتەرٸ جاتادى.
«بٷگٸنگٸ كٷنٸ تەحنيكالىق وڭالتۋ قۇرالدارى جەنە اتالعان قىزمەتتەر مەملەكەتتٸك ساتىپ الۋ ارقىلى ۇسىنىلادى. بۇل پروتسەدۋرالاردى جٷرگٸزۋدٸڭ ۇزاقتىعىنا بايلانىستى قىزمەتتەر الۋعا مٷگەدەكتٸك كٷنٸنەن باستاپ 8 ايعا دەيٸن سوزىلۋى مٷمكٸن», - دەلٸنگەن قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ باسپاسٶز حابارلاماسىندا.
مٷگەدەكتٸگٸ بار ادامدار تەندەر جٷيەسٸ ولارعا مٷلدەم كەلمەيتٸندٸگٸن ايتادى. ولار قىزمەت كٶرسەتۋ ساپاسى مەن مەديتسينالىق قۇرىلعىلاردىڭ ناشارلىعىنا جىل سايىن شاعىمدانادى.
«قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ 2020 جىلعى 1 قاڭتاردان باستاپ ەلدٸڭ بٷكٸل اۋماعى بويىنشا ەلەۋمەتتٸك قىزمەتتەر پورتالىن ەنگٸزۋگە نيەتتٸ. بۇل, تەحنيكالىق وڭالتۋ قۇرالدارىن جەنە ارناۋلى ەلەۋمەتتٸك قىزمەتتەردٸ ۇسىنۋعا ارنالعان بيزنەس-پروتسەستەردٸڭ ۋاقىتىن ولاردى پرواكتيۆتٸ فورمات ارقىلى تاعايىنداۋدى 8 ايدان 1-2 اپتاعا دەيٸن قىسقارتۋعا مٷمكٸندٸك بەرەدٸ», - دەلٸنگەن باسپاسٶز بايانىندا.
پورتال پيلوتتىق رەجٸمدە ٸسكە قوسىلىپ, اقتٶبە قالاسىندا سەتتٸ جٷزەگە اسىرىلۋدا.
«ەلەۋمەتتٸك قىزمەت پورتالىنىڭ نەتيجەسٸندە بٸز بالامىزدى مٷمكٸندٸگٸ شەكتەۋلٸ بالالارعا ارنالعان ساۋىقتىرۋ ستاتسيونارىنا ورنالاستىرا الدىق. پورتال ٶتە ىڭعايلى ەكەن: بٸز ٶتٸنٸم بەرٸپ, وعان ەتسق ارقىلى قول قويدىق. سونىمەن قاتار, ۋاقىتىمىز ٷنەمدەلدٸ», - دەيدٸ قىزمەت الۋشى عابيت جٷكەتاەۆ.
