Múgedektigi bar adamdar 2020 jylǵy 1 qańtardan bastap tehnikalyq ońaltý quraldarynyń 55 túriniń 24-ine jáne memlekettik mekemelerde arnaiy áleýmettik qyzmetterge tapsyrys bere alady, dep habarlaidy "Ult aqparat".
Tehnikalyq ońaltý quraldarynyń qalǵan 31 túri 2020 jylǵy shildege deiin kezeń-kezeńimen engiziledi. Múgedektektigi bar adamdardy ońaltý quraldarymen qamtamasyz etýge protezdik-ortopediialyq, dybystyq-tehnikalyq, tiflotehnikalyq jáne gigienalyq quraldardy, sondai-aq múgedektik arbalardy berý jatady.
Al arnaýly áleýmettik qyzmetterge jeke kómekshilerdiń, ymdaý tili mamandarynyń jáne sanatoriilerdiń qyzmetteri jatady.
«Búgingi kúni tehnikalyq ońaltý quraldary jáne atalǵan qyzmetter memlekettik satyp alý arqyly usynylady. Bul protsedýralardy júrgizýdiń uzaqtyǵyna bailanysty qyzmetter alýǵa múgedektik kúninen bastap 8 aiǵa deiin sozylýy múmkin», - delingen QR Eńbek jáne halyqty áleýmettik qorǵaý ministrliginiń baspasóz habarlamasynda.
Múgedektigi bar adamdar tender júiesi olarǵa múldem kelmeitindigin aitady. Olar qyzmet kórsetý sapasy men meditsinalyq qurylǵylardyń nasharlyǵyna jyl saiyn shaǵymdanady.
«QR Eńbek jáne halyqty áleýmettik qorǵaý ministrligi 2020 jylǵy 1 qańtardan bastap eldiń búkil aýmaǵy boiynsha áleýmettik qyzmetter portalyn engizýge nietti. Bul, tehnikalyq ońaltý quraldaryn jáne arnaýly áleýmettik qyzmetterdi usynýǵa arnalǵan biznes-protsesterdiń ýaqytyn olardy proaktivti format arqyly taǵaiyndaýdy 8 aidan 1-2 aptaǵa deiin qysqartýǵa múmkindik beredi», - delingen baspasóz baianynda.
Portal pilottyq rejimde iske qosylyp, Aqtóbe qalasynda sátti júzege asyrylýda.
«Áleýmettik qyzmet portalynyń nátijesinde biz balamyzdy múmkindigi shekteýli balalarǵa arnalǵan saýyqtyrý statsionaryna ornalastyra aldyq. Portal óte yńǵaily eken: biz ótinim berip, oǵan ETsQ arqyly qol qoidyq. Sonymen qatar, ýaqytymyz únemdeldi», - deidi qyzmet alýshy Ǵabit Júketaev.
