مەجٸلٸستٸڭ جالپى وتىرىسىندا «2022-2024 جىلدارعا ارنالعان رەسپۋبليكالىق بيۋدجەت تۋرالى» قر زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ماقۇلداندى, دەپ حابارلايدى قازاقپارات.
«2022 جىلعا ارنالعان رەسپۋبليكالىق بيۋدجەتتٸ ناقتىلاۋ تۋرالى زاڭ جوباسى ۇسىنىلىپ وتىر. زاڭ جوباسى مەملەكەت باسشىسىنىڭ اعىمداعى جىلدىڭ باسىندا بەرگەن تاپسىرمالارىن جەنە مەملەكەتتٸڭ باسقا دا شۇعىل مٸندەتتەمەلەرٸن ٸسكە اسىرۋعا باعىتتالعان. اتالعان باعىتتار بويىنشا بيۋدجەت شىعىستارى 2,7 ترلن تەڭگەگە ارتىپ وتىر», - دەدٸ قر پرەمەر-مينيسترٸنٸڭ ورىنباسارى - قارجى مينيسترٸ ەرۇلان جاماۋباەۆ.
بيۋدجەت شىعىستارى كەلەسٸ كٶزدەر ەسەبٸنەن ۇلعايتىلدى:
- بيۋدجەتتٸڭ ٶز كٸرٸستەرٸ -1,1 ترلن تەڭگە;
- ۇلتتىق قوردان كەپٸلدەندٸرٸلگەن ترانسفەرت - 1,6 ترلن تەڭگە.
«بۇل رەتتە ۇلتتىق قوردىڭ تٷسٸمدەرٸ مەن شىعىستارىنىڭ تەڭگەرٸمٸ جىل سوڭىندا وڭ بولادى دەپ بولجانادى. كٸرٸستەرٸ مەن شىعىستارىنىڭ قايتا قارالۋىن ەسكەرە وتىرىپ, 2022 جىلعا ارنالعان رەسپۋبليكالىق بيۋدجەتتٸڭ پارامەترلەرٸ كەلەسٸدەي قالىپتاستى. بيۋدجەت تٷسٸمدەرٸ 2,7 ترلن. تەڭگەگە ۇلعايا وتىرىپ, 15,8 ترلن تەڭگەنٸ قۇرايدى. تاپشىلىق جالپى ٸشكٸ ٶنٸمگە 3,3% دەڭگەيٸندە ساقتالدى. رەسپۋبليكالىق بيۋدجەتتٸڭ شىعىستارى 2,7 ترلن تەڭگەگە ٶسە وتىرىپ, 18,8 ترلن تەڭگە كٶلەمٸندە جوسپارلانىپ وتىر», - دەدٸ ول.
ونىڭ سٶزٸنە قاراعاندا, پرەزيدەنتتٸڭ تاپسىرمالارىن ٸسكە اسىرۋعا 1,8 ترلن تەڭگە باعىتتاۋ ۇسىنىلىپ وتىر. بۇل كٷش قۇرىلىمدارى مەن تٶتەنشە جاعدايلار ورگاندارىنىڭ جاۋىنگەرلٸك ەزٸرلٸگٸ مەن جاراقتاندىرىلۋىن كٶتەرۋگە, ٶڭٸرلەر مەن بيزنەستٸ قولداۋعا, حالىقتىڭ تابىسىن ارتتىرۋعا, ەلٸمٸزدٸڭ ازىق-تٷلٸك قاۋٸپسٸزدٸگٸن قامتاماسىز ەتۋگە جەنە ەكونوميكانى ديۆەرسيفيكاتسييالاۋعا ارنالعان شىعىستار.
«بيۋدجەتتٸ ناقتىلاۋ نەتيجەسٸندە ناقتى سەكتور مەن ٶڭٸرلەردٸ قولداۋ كٷشەيتٸلدٸ. بۇنى بيۋدجەت شىعىستارىنىڭ قۇرىلىمى كٶرسەتٸپ وتىر. ياعني شىعىستار ٶسٸمٸنٸڭ باسىم بٶلٸگٸ ەكونوميكانىڭ ناقتى سەكتورىن قولداۋعا كٶزدەلگەن. بۇل 1,3 ترلن تەڭگە. تيٸسٸنشە, شىعىستاردىڭ جالپى كٶلەمٸندەگٸ وسى باعىتتىڭ ٷلەسٸ 5 پايىزدان استامعا ۇلعايدى. نەتيجەسٸندە, اتالعان سالاعا ارنالعان شىعىستار 3,4 ترلن تەڭگە نەمەسە جالپى شىعىستاردىڭ 17,9% مٶلشەرٸندە جوسپارلانىپ وتىر. وسىنداي ىنتالاندىرۋ ورتا مەرزٸمدە ەلدٸڭ دامۋىنا مۋلتيپليكاتيۆتٸك ەسەر ەتەدٸ. بۇل بيۋدجەت كٸرٸستەرٸنٸڭ قارقىندى ٶسۋٸنە نەگٸز بولىپ تابىلادى», - دەدٸ مينيستر.
اتاپ ايتقاندا, ەلەۋمەتتٸك بلوكتىڭ شىعىستارى 581 ملرد تەڭگەگە ۇلعايتىلدى جەنە 8,6 ترلن تەڭگە نەمەسە بيۋدجەتتٸڭ جالپى شىعىستارىنىڭ 46%-ى دەڭگەيٸندە جوسپارلانۋدا.
كٷش قۇرىلىمى شىعىستارى 446 ملرد تەڭگەگە ٶسٸپ, 2,2 ترلن تەڭگە سوماسىندا جوسپارلانعان.
«جالپى كٶزدەلگەن شىعىستاردىڭ 30%-عا جۋىعى نىسانالى ترانسفەرتتەرمەن ٶڭٸرلەرگە بەرٸلەتٸن بولادى. ولاردىڭ جالپى سوماسى 818 ملرد تەڭگە بولسا, ونىڭ ٸشٸندە دامۋعا ارنالعان ترانسفەرتتەر – 475 ملرد تەڭگە. ناقتىلاۋدى ەسكەرە وتىرىپ, ٶڭٸرلەرگە رەسپۋبليكالىق بيۋدجەتتەن جالپى شىعىستاردىڭ 5,5 ترلن تەڭگەدەن استامى نەمەسە 29,3%-ى باعىتتالاتىن بولادى», - دەدٸ جاماۋباەۆ.
