قازاقستاندا اي-92 ماركالى بەنزيننٸڭ باعاسى ارزاندادى, دەپ حابارلايدى قازاقپارات.
جەڭٸلدٸكتٸ قازاقستانداعى ەڭ ٸرٸ جانار-جاعارماي قۇيۋ ستانسىلارى جەلٸسٸنە يە «قازمۇنايگاز ٶنٸمدەرٸ» جشس ۇسىنىپ وتىر.
«12 سەۋٸردەن باستاپ «قازمۇنايگاز» جانار-جاعارماي قۇيۋ ستانسىسى جەلٸسٸندە اي-92 ماركالى بەنزيننٸڭ باعاسى كٶكتەمگٸ كەزەڭدە 4 تەڭگەگە ارزانداپ, ليترٸ 159 تەڭگەنٸ قۇرايتىن بولادى», - دەلٸنگەن كومپانييانىڭ باسپاسٶز قىزمەتٸ تاراتقان حابارلامادا.
ايتا كەتەيٸك, «قازمۇنايگاز» جمقس-نىڭ بٶلشەك ساۋدا جەلٸسٸ 340-تان استام جانارماي قۇيۋ ستانسىسىن قامتيدى. ولار قالالاردا, رەسپۋبليكالىق ماڭىزداعى نەگٸزگٸ تاس جولداردا, سونداي-اق قازاقستانننىڭ شالعاي اۋىلدىق اۋداندارىندا ورنالاسقان.
