قازاقستاندا ەدەبي اۋدارما سەتتٸ جولعا قويىلۋى ٷشٸن ەڭ الدىمەن ەدەبي اگەنت جٷيەسٸن ٸسكە قوسۋ كەرەك. بۇل تۋرالى جازۋشى سماعۇل ەلۋباي حالىقارالىق جازۋشىلار فورۋمىندا ايتتى, دەپ حابارلايدى قازاقپارات.
بەلگٸلٸ جازۋشى سماعۇل ەلۋبايدىڭ ايتۋىنشا, اۋدارماشى اۆتوردىڭ وبالىنا قالماۋى كەرەك. ول ٷشٸن ەدەبي اگەنت جٷيەسٸن ٸسكە قوسۋ قاجەت. قازٸرگٸ زاماندا ونسىز ەدەبيەتتٸڭ ماڭدايى جارىق بولا قويمايدى. ەدەبي شىعارمانىڭ ٶزگە تٸلگە اۋدارىلۋى ٶتە كٷردەلٸ پروبلەما.
«مەنٸڭ «اقبوز ٷي» رومانىم يسپان تٸلٸنە اۋدارىلدى. وعان بەرٸمٸز قۋاندىق. كەيٸن سول ەلدٸڭ شىعارماشىلىق اداممىمەن كەزدەسٸپ, كٸتاپتى كٶرسەتتٸم. سوندا ول ماعان «ٶتە ناشار اۋدارما» دەدٸ. قۋانىشىم سۋ سەپكەندەي باسىلدى. ونىمەن كٸم اينالىسقانىن بٸلمەدٸم. اتى-جٶنٸنەن دە, قانداي شىعارمالار اۋدارعانىنان دا حابارسىزبىن. ەربٸر ەلدە ەدەبي اگەنت دەگەن بولادى. ولار بەرٸن قاداعالاپ وتىرادى: كٸتاپتى قالاي تاراتۋ كەرەك, قاي باسپادان شىعارۋ كەرەك, قاي اۋدارماشىعا بەرۋ كەرەك. وسىنىڭ بەرٸن ٶز موينىنا الادى», - دەيدٸ سماعۇل ەلۋباي.
ونىڭ ايتۋىنشا, دامىعان ەلدەردٸڭ بەرٸندە جازۋشى مەن باسپا اراسىنداعى دەنەكەر رٶلٸن اگەنتتەر اتقارادى. جازۋشىلار ٷيٸندە وتىرىپ جازۋمەن عانا اينالىسادى.
«مۇنى ايتىپ وتىرعان سەبەبٸم – اۋدارمانى دا قاداعالايتىن سول ەدەبي اگەنتتەر. ٶزٸنە پايدا تٷسەتٸن بولعاندىقتان اۆتورمەن بٸردەي جانى اشيدى, تابانىنان تاۋسىلعانشا جٷگٸرەدٸ.سول جٷيەنٸ قولعا المايىنشا اۋدارما ٸسٸنە كٷمەنمەن قاراپ وتىرا بەرەمٸز», - دەدٸ جازۋشى.
بۇعان دەيٸن, مەملەكەت جەنە قوعام قايراتكەرٸ ولجاس سٷلەيمەنوۆ,قازاق جازۋشىلارىنىڭ شىعارمالارىن ٷزدٸك ماماندار اۋدارۋ كەرەكتٸگٸن ايتقان بولاتىن.
ەسكە سالا كەتسەك, الماتىدا حالىقارالىق جازۋشىلار فورۋمى ٶتٸپ جاتىر. وعان 18 مەملەكەتتەن 81 دەلەگات قاتىسۋدا.
